6477.21 - Náttúra og tøkni - Evna- og alisfrøðilig perspektiv

6477.21

Náttúra og tøkni - Evna- og alisfrøðilig perspektiv

7,5

Fyri at taka skeiðið skal studenturin verða innskrivaður til læraralestur á Námsvísindadeildini.

At tey lesandi skulu ogna sær bæði fakligar og didaktiskar førleikar at undirvísa í alis- og evnafrøðiliga partinum í N&T, og at tey skulu læra at nýta náttúruvísindaligar hættir at eygleiða og skráseta náttúrufyribrigdi

Skeiðið er skift sundur í tríggjar høvuðspartarpartar: Grundleggjandi evnafrøði - Grundevnaskipanin, atom, mýl og jonir - Sambindingar, støðuformar (tilstandsformer), brenning, sýrur, lútar (basur) og matur Grundleggjandi alisfrøði: - Støddir og mál, evnisnøgd, kreftir, magnetisma, el-læra, orka, orkukeldur. - Vatn, luft og trýst. - Ljós og ljóð - Tøkni – og nýtsla av tøkni Fakdidaktisk viðurskifti - Námsætlanin í N&T - Undirvísingartilfar og lærubókaskipanir - Undirvísingarhættir og venjingar

Floksundirvísing, venjingar og framløgur. Stórur dentur verður lagdur á venjingar, sum eru grundaðar á tey náttúrufyribrigdi, sum verða viðgjørd í ástøðiliga partinum. Tey lesandi savnast til bólkaarbeiði og útgreining av fyrilestrum, umframt til venjingar. Dentur verður lagdur á, at tey lesandi sjálvi úthugsa venjingar sum kunnu brúkast at lýsa ástøðiliga tilfarið. Framløgudagar skulu tryggja, at tey lesandi venja seg við at leggja fram og nýta framkomna kunningartøkni til framløgur.

Tá ið skeiðið er lokið, skulu tey lesandi vera før fyri - at lýsa og greina grundleggjandi evni innan alisfrøði, evnafrøði og tøkni - at knýta evna- og alisfrøðilig viðurskifti saman við náttúru- og landafrøði - at leggja til rættis, gjøgnumføra og eftirmeta eina undirvísing har næmingarnir eru virknir, og sum tekur støði í teimum førørleikamálum, ið verða lýst í námsætlanini fyri N&T í fólkaskúlanum

Fyri at standa skeiðið skal tann lesandi hava uppfylt møti- og luttøkuskyldina til tilrættisløgdu undirvísingina.

Innanhýsis

P-talsstigin

Høvuðsbókmentir - Tilfar úr bókunum hjá Pól Jepersen: Alisfrøði og evnafrøði - Tilfar av netinum – Náttúra og Tøkni 1, 2 og 3 - Óútgivið egið tilfar frá Jacob Thomsen

Jacob T. Thomsen