6754.22 - Føroyskt á grund II. Bókmentir

6754.22

Føroyskt á grund II. Bókmentir

10

Tann lesandi skal vera innskrivaður til læraralestur á NÁD

Endamálið við skeiðinum er at geva teimum lesandi innlit í bókmentir og tekstasløg og at fyrireika tey til at undirvísa í føroyskum í grunddeild og miðdeild í fólkaskúlanum

Innihaldið í skeiðinum fevnir um: • Námsætlanina fyri føroyskt • Tekstasløg • Greiningaramboð • Barnabókmentir • Sjangrunámsfrøði sum ástøði og háttalag • Føroysktlærugreinina sum samleika-, mentanar- og vitanarberi • At undirvísa í føroyskum í grunddeild og miðdeild í fólkaskúlanum. Hesin parturin er serliga knýttur at starvslæruni

Bólkaarbeiði, floksarbeiði, fyrilestrar, undirvísingarvenjing, framløgur og kjak.

Tá ið skeiðið er lokið, skal tann lesandi megna at: • greiða frá, hvat stendur í námsætlanini fyri føroyskt í fólkaskúlanum • skyna á og at greiða frá ymiskum tekstasløgum • flokka tekstir í sjangrur • leita fram og brúka hóskandi greiningaramboð í mun til tekstaslag • greina og tulka ymisk tekstasløg og samansettar tekstir • meta um sosialu gerðina í einum teksti • lýsa barnabókmentir • greiða frá háttalagnum læruringrásin í sjangrunámsfrøðini og meta um tað • brúka læruringrásina sum háttalag til at undirvísa eftir og at arbeiða við í sambandi við ymisk sløg av teksti • lýsa ástøðið í sjangrunámsfrøðini • leita upp og evna til undirvísingartilfar • grundgeva fyri vali av tilfari og meta um dygd og støði • meta um fakliga og almenna úrtøku við ymiskum undirvísingarhættum • meta um leiklutin og týdningin, sum føroysktlærugreinin hevur í mun til samleika, mentan og vitan

Tey lesandi byrja skeiðið við eini starvslæru. Eftir starvslæruna skulu tey lesandi hava eina framløgu, ið tekur saman um starvslæruna. Henda framløgan skal standast. Við skeiðslok: Munnlig próvtøka • 1 tíma fyrireiking • 30 minuttir framløgu og kjak (Próvtøkuorðingin verður neyvari lýst í sjálvstøðugum skjali)

Uttanhýsis

7-talsstigin

Tann lesandi fær bókmentalista, tá ið skeiðið byrjar.

Rakul Skaale Andreassen