6952.21 - Ítróttur III – Starvslæra
Skeiðsnummar
6952.21
Heiti
Ítróttur III – Starvslæra
ECTS
10
Fortreytir
Treytin fyri at taka skeiðið er, at tann lesandi er innskrivaður til læraralestur á Námsvísindadeildini og hava ítrótt sum linjugrein.
Endamál
Endamálið við starvslæruni er, at tann lesandi vinnur sær royndir at undirvísa næmingum fólkaskúlans í ítrótti og rørslu.
Innihald
Skeiðið er í trimum samføstum pørtum
• At fyrireika starvslæru við undirvísing í ítrótti
- námsætlan
- ársætlan
- undirvísingarevni
- undirvísingartilfar
- undirvísingarhættir
- næmingalagað undirvísing
- samstarv við leiðslu og starvsfelagar
• At undirvísa í ítrótti og virka í starvslæruni
- at stýra einum flokki
- at leggja støði
- at gera undirvísingina innihaldsríka
- at skapa góð sambond við næmingarnar
- at samstarva við leiðslu og starvsfelagar
• At eftirmeta starvslæruna
- at meta um, hvat næmingarnir fingu burturúr
- at meta um egna undirvísing
- at meta um samstarvið við leiðslu og starvsfelagar
Læru- og undirvísingarhættir
• Upplegg frá undirvísarum og gestaundirvísarum
• Bólkaarbeiði
• Bólkavegleiðing
• Starvslæra
• Uppgávuskriving
Læruúrtøka
Við skeiðslok skal tann lesandi megna
• at greiða frá, hvat næmingarnir skulu læra í ítrótti
• at leggja til rættis og framvísa eina undirvísingarætlan, ið fevnir um millum 4 og 10 undirvísingartímar
• at meta um, hvat undirvísingartilfar er vælegnað í ítrótti, og hvat undirvísingartilfar ikki er so vælegnað
• at taka støðu til, hvørjir undirvísingarhættir eru vælegnaðir í ítrótti, og hvørjir ikki eru so vælegnaðir
• at meta um, hvussu ein kann skapa eitt næmingalagað undirvísingartilboð í ítrótti, sum leggur upp fyri menning hjá einstaka næminginum á tí menningarstigi hann er, eisini um tað eru næmingar við serligum avbjóðingum ella serligum hegni
• at hugleiða um og at vísa við dømum, hvørjar avbjóðingar ein lærari, ið undirvísir í ítrótti, kann renna seg í
• at eftirmeta starvslæruskeiðið
Próvtøkuháttur
Tey lesandi skriva eina stutta uppgávu (millum 6 og 8 blaðsíður + fylgiskjøl). Uppgávan varpar ljós á starvslærutíðarskeiðið og starvslæruroyndirnar.
Uppgávan verður vard munnliga.
Próvdøming
Uttanhýsis
Próvtalsstigi
7-talsstigin
Lestrarlisti
Høvuðsbókmentir
1) Mohr & Hanusardóttir: Fysiologi, 1. útg 1. uppl. 2013, Nám
2) Rønholt & Peitersen: Idrætsundervisning, 2. útg. 5. uppl. 2017, Institut for Idræt
3) Hovgaard: Aktivitetsudvikling i idræt, 1. útg. 2. uppl. 2019, Samfundslitteratur
4) Storm: Den gode idrætslærer, 1. útg. 1. uppl. 2013, Hans Reizels Forlag.
5) Gjerset: Idrættens træningslære, 3. útg. 1. uppl. 2019, Munksgaard
Harumframt eru framløgur, brot úr bókum, greinar, podcasts, videoir v.m. og lestrarlistin verður fullfíggjaður í skeiðnum.
Ábyrgd
Helgi Winther Olsen