7017.20 - Mál og lesimenning

7017.20

Mál og lesimenning

10

At lesandi er innskrivaður á NÁD

Endamálið við skeiðnum er at geva tí lesandi innlit í týdningin, ið mál hevur fyri lesimenningina hjá barninum. Tey lesandi fáa kunnleika um mál- og lesimenning og fyribyrging av lesitrupulleikum so tíðliga sum gjørligt.

Innihald: - Máltøka og málmenning - Fyribyrgjandi átøk - Málslig menning sum grundarlag undir lesiførleikum - Lesing og lesihættir - Fyritreytir fyri lesiførleikum - Lesivanar og førleikar - Ymiskt tilfar, bæði lesitilfar og kanningartilfar

Undirvísingin er skipað sum floksundirvísing við fyrilestrum, fjarundirvísing, studentaframløgum, kjaki og bólkaarbeiði.

Tá ið skeiðið er lokið, skal tann lesandi vera før/ur fyri at: - lýsa grundleggjandi tættir í máltøku hjá børnum - greiða frá týdninginum málsliga menningin hevur fyri lesimenning - duga at vísa á tekin um vandamál í mun til grundleggjandi mál- og lesimenning - greiða frá hugtøkum innan lesitilognan og byrjanarlesing - lýsa tilfar sum verður brúkt í tí føroyska læruumhvørvinum til børn undir skúlaldur og í innskúling.

Munnlig próvtøka í bólkum. Endurpróvtøka er sami háttur.

Innanhýsis

P-talsstigin

Tey lesandi fáa lestrarlistan, tá ið skeiðið byrjar. Grundbøkurnar eru: Carsten Elbro: Læsning og læseundervisning

Sissal Maria Rasmussen