7388.21 - Kristnikunnleiki og átrúnaður I – Innleiðsla í lærugreinina kristnikunnleiki

7388.21

Kristnikunnleiki og átrúnaður I – Innleiðsla í lærugreinina kristnikunnleiki

15

Endamálið við skeiðnum er at kunna tann lesandi um lærugreinina kristnikunnleiki í fólkaskúlanum. Harumframt skal tann lesandi gerast tilvitaður um møguleikar og avmarkingar, sum fólkaskulalógin og galdandi námsætlan seta fyri lærugreinina og læraran. Tann lesandi skal eisini fáa grundleggjandi innlit í religionsdidaktisk ástøði og háttaløg. Sum framhald av hesum skal tann lesandi arbeiða við ástøðiligum religiónsdidaktiskum tilviti viðvíkjandi grundreglunum í átrúnaði, lívsfatan og siðfrøði.

Skeiðið er samansett av fimm høvuðspørtum og verður uppbýtt eftir fylgandi evnum: - Kristnikunnleiki sum lærugrein í fólkaskúlanum (fólkaskúlalógin og námsætlan). - Religionsdidaktikkur (ástøði og háttaløg) - Átrúnaður (religiónsheimspeki við denti at teimum klassisku avbjóðingunum innan kristna gudfrøði). - Lívsfatan (lívsfatanir við áherðslu á kristin grundvirðir, humanismu, sekularisering, vísund, nátturðu og umhvørvi). - Siðfrøði (siðfrøðin lýst út frá bíbilskum, lutherskum og modernaðum fortreytum. Harafturat verður siðfrøðin lýst út frá einum altjóða høpi)

Fyrilestrar, sjálvlestur, bólkaarbeiði og bólkakjak, einstakar og bólkaframløgur, skrivligar heimauppgávur, uttanhýsis undirvísarar.

Tá ið skeiðið er lokið, skal tann lesandi megna - at greiða frá, hvussu námsætlanin í kristnikunnleika er uppbygd - at greiða frá hvørja uppgávu lærarar, ið undirvísa í kristnikunnleika, skulu útinna fyri samfelagið og skúlan Tínæst skal tann lesandi vera førur fyri - at meta kritiskt um ymisk religiónsdidaktisk ástøði og háttaløg - at grundgeva fyri nær eitt háttalag ella ein undirvísingartilgongd er betur egnað enn ein onnur Til seinast skal tann lesandi vísa, at hann dugir - at gera skilna á grundleggjandi meginreglum innan vesturlendskan átrúnað. Hetta umfatar millum annað: (1) lívfatanir við atliti at kristindómi, vísind og humanismu í 21. øld, (2) siðfrøðiligar stevnur í einum bíbilskum, lutherskum, modernaðum og altjóða høpi og (3) grundleggjandi gudfrøðiligar spurningar innan vesturlendskan kristindóm.

Tann lesandi skal lata eina skrivliga uppgávu á 10 til 12 normalsíður inn við skeiðsenda. Uppgávan verður skrivað einsæris. Tann lesandi fer upp í einari munnligari próvtøku, sum tekur útgangsstøði í uppgávuni og skeiðspensumi annars. Nærri kunning við skeiðsbyrjan.

Innanhýsis

P-talsstigin

Tummas Kannuberg