6505.21 - Føroyskt grundskeið, mál
Skeiðsnummar
6505.21
Heiti
Føroyskt grundskeið, mál
ECTS
10
Fortreytir
At tann lesandi er innskrivaður til læraralestur á Námsvísindadeildini
Endamál
Endamálið við skeiðinum er at fyrireika tey lesandi til at undirvísa 1. til 6. flokk í føroyskum.
Innihald
Skeiðið er í 13 sjálvstøðugum og tó samføstum pørtum. Hesir eru:
• Talumál og skriftmál
• Orðaflokkar
• Rættskivingarreglur
• Orðalagslæru
• Málnýtsla
• Málsøga
• Málbroyting
• Málfjølbroytni og málføri
• Purisma
• Mál sum samskiftisamboð
• Námsætlanir fyri føroyskt
• Lærubókaskipanir
• At undirvísa í føroyskum í grunddeild og miðdeild fólkaskúlans. Hesin parturin er serliga knýttur at starvslæruni
Læru- og undirvísingarhættir
Bólkaarbeiði, floksarbeiði, fyrilestrar, undirvísingarvenjing, framløgur og kjak
Læruúrtøka
Tá ið skeiðið er lokið, skal tann lesandi megna at:
• brúka allar vanligar stavsetingarreglur í verki
• greina setningar og sambondini ímillum liðirnar
• stava síni skrivligu avrik rætt
• orða seg greitt og neyvt í skrivligum avrikum
• rætta, bøta og menna skrivlig næmingaavrik
• greiða frá rættingum og ábótum
• seta føroyska málið í ein málsøguligan samanhang
• greiða frá málsøguni, málfjølbroytni, málførum, málbroytingum og purismu
• greina munin á talu- og skriftmáli
• greiða frá og meta um háttaløg og ástøði innan frálæru í málundirvísing
• leita upp tilfar, grundgeva fyri vali av tilfari og meta um tað
Próvtøkuháttur
Tá ið skeiðið er hálvrunnið skulu tey lesandi í starvslæru. Eftir starvslæruna skulu tey lesandi hava eina framløgu, ið tekur saman um starvslæruna. Henda framløgan skal standast.
Við skeiðslok:
Skrivlig próvtøka
• Tey lesandi skulu upp í rættskriving, bendingarlæru, orðalagslæru og ástøði um mál. Próvtøkan er í 6 tímar.
Hjálparamboð: Einans orðabøkur og mállærubøkur.
Í metingini er førleikin í staving og málburði partur av tí, sum verður mett, hóast høvuðsdenturin verður lagdur á tað fakliga innihaldið.
Próvdøming
Innanhýsis
Próvtalsstigi
7-talsstigin
Lestrarlisti
Tann lesandi fær bókmentalista, tá skeiðið byrjar.
Ábyrgd
Rakul Skaale Andreassen