6506.21 - Føroyskt grundskeið, bókmentir
Skeiðsnummar
6506.21
Heiti
Føroyskt grundskeið, bókmentir
ECTS
10
Fortreytir
At tann lesandi er innskrivaður til læraralestur á Námsvísindadeildini
Endamál
Endamálið við skeiðinum er at fyrireika tey lesandi til at undirvísa 1. til 6. flokk í føroyskum.
Innihald
Skeiðið er í 9 sjálvstøðugum og tó samføstum pørtum. Hesir eru:
• Mál sum samleika-, mentanar- og vitanarberi
• Narrativitetur
• Tekstasløg og háttaløg
• Greiningaramboð
• Skriving og skrivinámsfrøði
• Sjangrunámsfrøði
• Námsætlanir fyri føroyskt
• Lærubókaskipanir
• At undirvísa í føroyskum í grunddeild og miðdeild fólkaskúlans. Hesin parturin er serliga knýttur at starvslæruni
Læru- og undirvísingarhættir
Bólkaarbeiði, floksarbeiði, fyrilestrar, undirvísingarvenjing, framløgur og kjak.
Læruúrtøka
Tá ið skeiðið er lokið, skal tann lesandi megna at:
• brúka málið sum samskiftismiðil á hóskandi hátt í ymsum støðum
• greina ymisk bókmentalig háttaløg
• skyna á og at gera mun á ymiskum tekstasløgum
• brúka hóskandi greiningaramboð í mun til tekstaslag
• greina samansettar tekstir (fjølmodalitet)
• lýsa barnabókmentir
• brúka ymiskar skrivinámsfrøðiligar arbeiðshættir
• orða seg greitt og neyvt í skrivligum avrikum
• greiða frá og meta um háttaløg og ástøði innan frálæru í bókmentaundirvísing
• leita upp tilfar, grundgeva fyri vali av tilfari og meta um tað
Próvtøkuháttur
Tá ið skeiðið er hálvrunnið skulu tey lesandi í starvslæru. Eftir starvslæruna skulu tey lesandi hava eina framløgu, ið tekur saman um starvslæruna. Henda framløgan skal standast.
Við skeiðslok:
Munnlig próvtøka.
• Tey lesandi skulu upp í einum ókendum teksti, umframt í kendum ástøði og háttaløgum.
Próvtøkan er í ein hálvan tíma, umframt 1 tíma til fyrireiking.
Hjálparamboð eru loyvd.
Próvdøming
Innanhýsis
Próvtalsstigi
7-talsstigin
Lestrarlisti
Tann lesandi fær bókmentalista, tá skeiðið byrjar.
Ábyrgd
Rakul Skaale Andreassen