6611.22 - Landafrøði sum undirvísingarfak II - Mentanarlandafrøði

6611.22

Landafrøði sum undirvísingarfak II - Mentanarlandafrøði

10

Tann lesandi skal vera innskrivaður til læraralestur á NÁD

Endamálið við skeiðnum er, at tey lesandi skulu fáa greiða fatan av samanspælinum millum menniskju, mentan og náttúru - og hvussu menniskju í ymiskum økjum hava ávirkan á hvønn annan. Tey lesandi skulu eisini fáa innlit í og dømi um, hvussu ein lærari kann arbeiða við mentanarlandalæru í fólkaskúlanum

Skeiðið er í 10 sjálvstøðugum og tó samanhangandi pørtum • Vinnulig og búskaparlig menning ymsastaðni í heiminum • Dyrkingarmynstur, livikor og náttúruviðurskifti • Ráevni og orkuframleiðsla • Vinnuvegir, búseting og undirstøðukervi • Býir og stórbýarmynstur • Handil og arbeiðsmegi • Búskaparligt, politiskt og hernaðarligt samstarv • Marknaðartrætur • Fakdidaktisk viðurskifti – serliga námsætlanin fyri landalæru, undirvísingartilfar og undirvísingarhættir

Undirvísingin verður fjølbroytt og fevnir bæði um læraraframløgur, bólkaarbeiði, at lesandi savna og gera tilfar – bæði talgilt og í pappírsformi. Eisini verður skipað fyri útferðum og undirvísing uttanskúla

Tá ið skeiðið er lokið, skulu tey lesandi vera før fyri • at greiða frá mentanarlandafrøðiligum samanhangum og viðurskiftum • at meta um, hvussu menniskju, ið búgva ymsastaðni í heiminum, ávirka hvønn annan • at vísa á høvuðstættirnir í námsætlanini fyri landafrøði • at finna og seta undirvísingartilfar saman, ið er vælegnað til undirvísingina í landafrøði • at vísa við dømum, hvussu ein hugkveikjandi undirvísing í landafrøði kann setast saman

Gjøgnum skeiðið hava tey lesandi framløgur og smærri skrivligar uppgávur, sum skulu vera svaraðar og góðtiknar fyri at standa skeiðið Við skeiðslok skulu tey lesandi skriva eina uppgávu, ið skal verjast munnliga. Próvtøkan verður nágreiniliga lýst í serstøkum skjali.

Uttanhýsis

7-talsstigin

Bókmentalistin verður latin teimum lesandi, áðrenn skeiðið byrjar

Hans Harryson