6671.23 - Heimkunnleiki og list sum undirvísingarfak II – Leiklist, rødd og rørsla

6671.23

Heimkunnleiki og list sum undirvísingarfak II – Leiklist, rødd og rørsla

10

Tann lesandi skal vera innskrivaður til læraralestur á NÁD

Endamálið við skeiðnum er at geva tí lesandi innlit í leiklist sum fakøki og sum undirvísingarøki í fólkaskúlanum. Tann lesandi skal fáa innlit í, hvussu leiklist (og tey amboð, ið eru miðdepils í leiklist) kunnu styrkja sjálvsfatanina og framburðin hjá børnum og ungum í dag, og hvussu henda listagreinin kann gerast partur av øðrum lærugreinum í miðdeild fólkaskúlans.

Skeiðið er í 6 pørtum. • Leiklist sum listagrein • Leiklist sum partur av føroyskum mentanarlívi • Leiklist sum partur av undirvísing fólkaskúlans • Leiklist – árræði at stíga fram • Leiklist – sjálvsfatan og kropstilvit • Leiklist – dramaspøl og smásøgur

Undirvísingin er fjølbroytt: Vit nýta m.a. upplegg frá undirvísarum og gestaundirvísarum, upplegg frá lesandi, bólkaarbeiði, kjakforum, venjingar av ymiskum slagi.

Tá ið skeiðið er lokið, skal tann lesandi vera førur fyri at • greiða frá, hvat eyðkennir leiklist sum listagrein • greiða frá, hvønn týdning leiklistin hevur í føroyskum mentanarlívi • greiða frá, hvat rúm leiklistin hevur í miðdeild fólkaskúlans • greiða frá, hvussu leiklist kann samstarva við aðrar lærugreinar í í fólkaskúlanum • hugleiða um, hvussu ein lærari kann nýta amboð úr leiklistini, tá ið hann skal menna árræðið hjá næmingunum at stíga fram og at bera fram • vísa við dømum, hvussu ein lærari kann nýta amboð úr leiklistini, tá ið hann skal menna kropsmálið og kropstilvitið hjá næmingunum • meta um, hvørji dramaspøl og hvørjar smásøgur hóska væl til undirvísingina í miðdeild fólkaskúlans

Próvtøkan er í tveimum pørtum: Lesandi skulu skriva eina synopsu, ið tekur støði í einum ella fleiri av undirvísingarevnunum. Synopsan verður løgd fram munnliga. (Próvtøkuhátturin verður lýstur neyvari í øðrum skjali)

Uttanhýsis

7-talsstigin

Bókmentalistin verður latin teimum lesandi, áðrenn skeiðið byrjar

Eyð Berghamar Steinbjørnsdóttir