6732.22 - Sernámsfrøði á linju I - Sernámsfrøði, normalitetur og frávik

6732.22

Sernámsfrøði á linju I - Sernámsfrøði, normalitetur og frávik

10

Tann lesandi skal vera innskrivaður til læraralestur á NÁD

Tann lesandi skal ogna sær vitan um sernámsfrøðiliga landslagið og tørvin á sernámsfrøði í dagsins samfelag. Hann skal tínæst fáa innlit í altjóða rák og mannagongdir. Hann skal fáa fáa vitan um læknafrøðiligar tilgongdir (t.e. diagnostiskar skipanir), og sálarfrøðilig og námsfrøðilig ástøði, ið kunnu hjálpa okkum at seta sernámsfrøðilig ivamál í størri høpi. Og tann lesandi skal til seinast gerast tilvitaður um hugburð og egnan leiklut og ávirkan í yrkis- og samstarvshøpi í mun til næmingin við serligum avbjóðingum.

Evni, ið verða umrødd hetta skeiðið, eru: • Sernámsfrøði í søguligum ljósi • Sernámsfrøðilig rák í 21. øld – altjóða rák og føroysk viðurskifti • Grundleggjandi hugtøk í sernámsfrøðiligum arbeiði – relasjónir, inklusión og eksklusión • Normalitetur og frávik – úrgreining, diagnosa og pedagogisk interventión • Hugburður, málburður og tilgongdir í sernámsfrøðiligum arbeiði • Sálarfrøðilig og námsfrøðilig ástøði, ið sernámsfrøði tekur støði í (m.a. menningarsálarfrøði, neurosálarfrøði og positiv sálarfrøði) • Læraraleikluturin í sernámsfrøðiligum arbeiði • Sernámsfrøðilig tilboð í fólkaskúlanum - førleikastovan, serflokkar, millumformar, sertilboð, serskúlar. • Tvørprofessionelt samstarv

Fyrilestrar, upplegg, loggbók, samrøður, case-viðgerðir, venjingar og sjálvlestur.

Tá skeiðið er lokið, skal hin lesandi duga • at greiða frá høvuðstættum í sernámsfrøði og sernámsfrøðiligum viðurskiftum – bæði gjøgnum tíðina og í dagsins samfelag • at greiða frá, hvat ein diagnosa er, hvat hon sigur, og hvat hon kann kann nýtast til í skúlaverkinum • at lýsa vanligu tilgongdina í útgreiningararbeiði • at seta menningarsálarfrøði, nevrosálarfrøði og positiva sálarfrøði í samband við sernámsfrøðiligar tilgongdir • at meta um sína egnu fatan av sernámsfrøðiligum avbjóðingum og interventiónum (m.a. sín egna hugburð og málburð) • at greiða frá galdandi lógarverki og hugleiða um menning, trivnað, tørv og møguleikar hjá næmingum við serligum avbjóðingum í fólkaskúlanum – her eru hugtøk so sum normalitetur, frávik, inklusión og eksklusión miðdepils

Virkin luttøka gjøgnum skeiðið. Bólkasamrøða: Lesandi reflektera í toymum um úrvaldar sernámsfrøðiligarar tvístøður

Innanhýsis

P-talsstigin

Lesandi fáa lestrarlista, áðrenn skeiðið byrjar.

Hans Harryson