6756.23 - Føroyskt sum undirvísingarfak II – Tekstasløg og undirvísing í tekstasløgum

6756.23

Føroyskt sum undirvísingarfak II – Tekstasløg og undirvísing í tekstasløgum

10

Treytin fyri at taka skeiðið er, at tann lesandi er innskrivaður til lestur sum lærari á Námsvísindadeildini

Endamálið er, at tann lesandi fær eina greiða fatan av, hvussu arbeiðast kann við ymiskum tekstasløgum (víðkaða teksthugtakið) í undirvísingarhøpi. Endamálið er somuleiðis, at tann lesandi sjálvstøðugt megnar at gruna um tekstir og samskifta um hesar bæði í undirvísingarhøpi í skúlanum og í fakligum høpi millum starvsfelagar. Og til seinast skal tann lesandi læra at fyrireika, fremja og eftirmeta undirvísingargongdir í evninum, ið eru aldurssvarandi og næmingalagaðar. Hetta seinasta verður gjørt við støði í námsætlanini fyri føroyska fólkaskúlan.

Skeiðið er í sjey høvuðspørtum. Hvør partur hevur sítt egna evnisinnihald. Partarnir byggja á hvønn annan, og teir verða leinkjaðir sum frá líður. Í øllum pørtunum er fakdidaktiska sjónarhornið stýrandi. Partarnir eru hesir: (1) Bókmentasøga (2) Bókmentagreinir og greiningarhugtøk (3) Bókmentadidaktikkur og snið (4) Greining og tulking av fagurbókmentum (5) Viðgerð og meting av yrkisbókmentum (6) Fjøltáttað tekstasløg (7) Eginframleiðsla av tekstum (8) Undirvísing í bókmentum og bókmentasøgu

Fyrilestrar, samvirkandi undirvísingartilgongdir, evnisarbeiði, kjakbólkar, sjálvstøðugar arbeiðsuppgávur, ymiskar skrivivenjingar, einstaklings- og bólkaframløgur.

Við skeiðslok skal tann lesandi megna at • greiða frá bókmentaligum høvuðsrákum í evropeiskum og føroyskum høpi • greiða frá bókmentasløgunum og teirra sínámillum samband • greina og viðgera fagur- og yrkisbókmentaligar tekstir • meta um tekstir og teirra leiklut í einum breiðum bókmenta- og miðlahøpi • grunda yvir og kjakast um bókmentalig evni í einum undirvísingarligum høpi, ið er beinleiðis knýtt at førleikamálunum í námsætlanini fyri føroyskt í hádeild fólkaskúlans. • brúka og meta um gagnliga nýtslu av fjøltáttaðum tekstasløgum í undirvísingarligum høpi • at stíga fram og halda styttri framløgur um bókmentalig evni.

Við skeiðslok skulu tey lesandi gera eina synopsis um eitt sjálvvalt verk og vísa við ítøkiligum dømum, hvussu hetta verk kann nýtast í undirvísingarhøpi. Synopsan skal leggjast fram munnliga. Synopsan kann skrivast og verjast einsæris ella tvey og tvey. Próvtøkan verður lýst neyvari í sjálvstøðugum skjali.

Uttanhýsis

7-talsstigin

Tey lesandi fáa lestrarlista, tá skeiðið byrjar.

Hans Harryson