6806.22 - Støddfrøði sum undirvísingarfak II - Støddfrøði didaktikkur
Skeiðsnummar
6806.22
Heiti
Støddfrøði sum undirvísingarfak II - Støddfrøði didaktikkur
ECTS
10
Fortreytir
Tann lesandi skal vera innskrivaður til læraralestur á NÁD
Endamál
Endamálið við skeiðnum er at fyrireika tey lesandi at undirvísa í miðdeild og hádeild fólkaskúlans í støddfrøði.
Tann lesandi skal fáa innlit í granskingargrundaði støddfrøði-didaktisk ástøði og háttaløg. Hetta innlit skal gera tann lesandi føran fyri at fyrireika og fremja eina næmingalagaða undirvísing, sum leggur upp fyri, at næmingar í sama flokki kunnu hava ymiskar kognitivar- og sosialar fortreytir.
Innihald
Vit seta fokus á miðdeild- og hádeild fólkaskúlans.
Høvuðsevnini eru:
• Uttanatslæra í støddfrøði mótvegis læring, har stigvís fatan av støddfrøðiliga innihaldinum er í miðdepli.
• Støddfrøðiligir førleikar, støddfrøðiligt innihald og námsætlanir.
• Ástøði, ið snúgva seg um ávikavist (1) støddfrøði læring sum tilognan og (2) støddfrøði læring sum luttøka.
• Virksemisundirvísing, leikluturin hjá lærarunum, samskifti og sosiostøddfrøðiligir normar.
• Eftirmetinghættir í lærugreinini støddfrøði.
• Ástøði um KT í støddfrøði undirvísing.
Læru- og undirvísingarhættir
Bólkaarbeiði, floksarbeiði, fyrilestrar, sjálvlestur, heimauppgávur, innlatingaruppgávur, framløgur og kjak.
Læruúrtøka
Tá ið skeiðið er lokið, skal tann lesandi megna
• at greiða frá týðandi støddfrøði didaktiskum ástøðum.
• at lýsa sosiostøddfrøðiligir normar og læraraleiklutin í einari næmingalagari virksemisundirvísing í støddfrøði.
• at vísa dømi um ávikavist (1) uttanatslæring, (2) læring sum stigvís fatan, (3) læring sum tilognan og (4) læring sum luttøka í støddfrøðiundirvísing.
• at samantvinna støddfrøði didaktisk ástøði við ítøkilig undirvísingardømi í mið- og hádeild fólkaskúlans.
• at hugleiða um og taka støðu til støddfrøði didaktisk ástøði og gransking í mun støddfrøði undirvísing í mið- og hádeild fólkaskúlans.
Próvtøkuháttur
Próvtøkan er í tveimum pørtum:
1) Ein skrivlig próvtøka.
2) Við skeiðslok skulu tey lesandi lata inn eina framløguskrá (t.e. synopsis), sum kann verða skrivað í tvey- ella trímansbólkum. Munnliga próvtøkan tekur støði í hesi skránni. Lesandi verða mett einsæris.
Ein samlað meting verður givin fyri bæði próvtøkuavrikini.
Próvdøming
Uttanhýsis
Próvtalsstigi
7-talsstigin
Lestrarlisti
Bókmentalistin verður latin teimum lesandi, áðrenn skeiðið byrjar.
Ábyrgd
Ingi Heinesen Højsted