6854.22 - Undirvísing og læring IV – Lívsáskoðan og siðalæra

6854.22

Undirvísing og læring IV – Lívsáskoðan og siðalæra

10

Tann lesandi skal vera innskrivaður til læraralestur á NÁD

Endamálið við hesum skeiði er, at lesandi skilja hvønn leiklut lívsáskoðan og siðalæra hava í teirra yrki, at tey (1) nema sær innlit í týðandi tættir í siðvenjum, m.a. í kristni siðaarvinum og modernaðum siðvenjum, ið hava myndað okkara samfelag, gerast tilvitaði um hvussu hesar ávirka virkisøkið hjá lærarum, og læra at rúma menniskjum við ymsum lívsáskoðanum í dagliga lívinum á skúlanum; (2) skilja grundleggjandi etisk ástøði og hugtøk og duga at brúka tey í viðkomandi yrkisstøðum hjá lærarum; og (3) byrja at hugleiða um teirra egna leiklut sum komandi lærarir, ið skulu stuðla menningini og myndanini av børnum.

Høvuðsevnini eru: • Virðir og endamálsorðing fólkaskúlans • Grundleggjandi tættir í kristnum og modernaðum siðvenjum, ið hava myndað føroyska samfelagið og fólkaskúlan • Tættir í vesturlendskum fólkaræðum, s.s. modernitetur og sekularisma • Grundleggjandi etiskar siðvenjur og hugtøk • Etisk menning og myndan á skúlum • Yrkisetikkur

Fyrilestrar, bólkaarbeiði, vegleiðingar og framløgur

Tá skeiðið er lokið, skulu tey lesandi duga at • taka støðu til hvønn leiklut ymsar siðvenjur, serliga kristindómur og modernaðar siðvenjur, hava í føroyska samfelagnum, serliga innanskúla í myndanaruppgávu skúlans • greiða frá og samanbera ymsar siðalærur, og vísa hvussu hesar eru viðkomandi í teirra komandi yrki • seta orð á og grundgeva fyri, hvør yrkisetiski leikluturin hjá lærarum er, tá hugsað verður bæði um næmingarnar, ið lærarar arbeiðir við, og um almennu karmarnar fyri skúlaverkið

Munnlig framløga (Próvtøkan verður neyvari lýst í sjálvstøðugum skjali)

Innanhýsis

7-talsstigin

Lestrarlisti verður útflýggjaður við skeiðsbyrjan.

Poul Fossdal Guttesen