6855.22 - Undirvísing og læring V - Sernámsfrøði og KT-didaktiskir hjálparmiðalar
Skeiðsnummar
6855.22
Heiti
Undirvísing og læring V - Sernámsfrøði og KT-didaktiskir hjálparmiðalar
ECTS
10
Endamál
Skeiðið er í tveimum høvuðspørtum:
Endamálið við tí partinum av skeiðnum, ið snýr seg um sernámsfrøði er, er at geva tí lesandi innlit í sernámsfrøði sum sergrein í fólkaskúlanum og sum partur av almennu námsfrøðini.
Tann lesandi skal harumframt fáa vitan um rættindi næminganna og skyldur skúlans og lærarans í sambandi við næmingar í avbjóðandi læringsumhvørvi.
Endamálið við tí partinum av skeiðnum, ið snýr seg um kt-didaktikk, er at geva tí lesandi innlit í praktisk kt-didaktisk viðurskifti í føroyska fólkaskúlanum eins og kt-didaktisk rák í nútíðini.
Tann lesandi skal sleppa at royna seg við praktiskum royndum, ið vísa á møguleikar og avbjóðingar í kt-didaktiska økinum.
Innihald
Sernámsfrøði:
• Sernámsfrøði sum pedagogisk sergrein og sum partur av almennu skúlaskipanini (og námsfrøðini)
• Sernámsfrøðiliga rákið í 21. øld
• Lógar- og kunngerðarverk og onnur vegleiðandi og fyriskrivandi skjøl á sernámsfrøðiliga økinum
• Sernámsfrøðiliga økið í Føroyum: T.d. Barna- og Ungdómspsykiatriin, Sernám, Førleikastovur, Próvstovan og Nám.
• Diagnosan og diagnostisku skipanirnar ICD-11 og DSM-V
• Sernámsfrøðilig ástøði og háttaløg í mun til úrvaldar málbólkar
• Næmingalagað undirvísing/inkluderandi undirvísing
• Tvørgreinaligt samstarv og foreldrasamstarv
KT didaktikkur:
• Børnini í skúlanum, sædd við kt-didaktiskum brillum
• Skúlin í einum kt-didaktiskum markamóti
• Lærarin sum superbrúkari ella lærlingur
• Leikluturin hjá foreldrum
• Praktiskar royndir við útvaldum amboðum
Læru- og undirvísingarhættir
Fyrilestrar, gestafyrilestrar, casearbeiði, lesandi hava smærri upplegg/framløgur, venjingar av ymiskum slag, sjálvstøðugar arbeiðsuppgávur, loggbókaskriving, videobrot og kjakbólkar.
Læruúrtøka
Sernámsfrøði:
Við skeiðslok skal tann lesandi megna at
• greiða frá, hvat eyðkennir sernámsfrøði sum sergrein og sum partur av almennu skúlaskipanini/námsfrøðini
• greiða frá rættindi næminganna í avbjóðandi læringsstøðum og skyldur skúlans og lærarans
• greiða frá, hvussu sernámsfrøðiliga økið er skipað í Føroyum
• skyna ímillum ymiskar diagnostiskar trupulleikar
• meta um og taka støðu til, hvussu undirvísingin kann skipast við atliti at næmingum í serliga avbjóðandi støðum
• meta um fyrimunir og avbjóðingar við tvørgreinaligum samstarvi
• kjakast um hugtøkini “næmingalagað undirvísing” og “inkluderandi pedagogikkur”
KT-didaktikkur:
Við skeiðslok skal tann lesandi megna at
• meta um kt-fortreytir hjá børnunum í nútíðarskúlanum
• meta um, hvørjir fyrimunir og vansar eru við útvaldum amboðum og miðlum, ið kunnu nýtast kt-didaktiskt.
• kjakast um tann leiklut, ið foreldur hava, sæð við kt-didaktiskum brillum.
• lýsa avbjóðingar, ið skúlin stendur í kt-didaktiskt
• nýta í minsta lagi eitt kt-amboð, ið kann brúkast konkret í undirvísing.
Próvtøkuháttur
Virkin luttøka
Fyri at standa skeiðið skal tann lesandi
• møta til undirvísing
• taka virknan lut í kjaki og bólkaarbeiði
• skriva loggbók gjøgnum alt skeiðið, ið skal vera til taks við skeiðslok
• havt framløgur í størri og smærri bólkum gjøgnum skeiðið og við skeiðslok
Próvdøming
Innanhýsis
Próvtalsstigi
P-talsstigin
Lestrarlisti
Lesandi fáa lestrarlista, áðrenn skeiðið byrjar.
Ábyrgd
Hans Harryson