6852.22 - Undirvísing og læring II - Mál og lesimenning

6852.22

Undirvísing og læring II - Mál og lesimenning

10

Tann lesandi skal vera innskrivaður til læraralestur á NÁD

Endamálið er at geva tí lesandi kunnleika um mál- og lesimenning og innlit í týdningin, ið mál hevur fyri lesimenningina hjá næmingunum í grunddeild fólkaskúlans. Gjøgnum skeiðið skal tann lesandi harumframt venja sína egnu handskrift (á pappíri og á talvu) og fáa vitan um, hvussu yngstu næmingar fólkaskúlans menna eina vakra handskrift

Skeiðið er í tveimum høvuðspørtum: Fyrri partur: - Máltøka og málmenning - Málslig menning sum grundarlag undir lesiførleikum - Lesing, lesivanar og lesiførleikar - Stimbrandi undirvísingartilfar í føroyskum Seinni partur: - Handskriftin hjá læraranum - Handskriftin hjá næmingunum

Fyrilestrar, evnisarbeiði, arbeiði við úrvaldum casum, kjakbólkar, sjálvstøðugar arbeiðsuppgávur, ymiskar skrivi- og teknivenjingar, framløgur, bólkaframløgur.

Tá skeiðið er lokið, skal hin lesandi duga at - lýsa grundleggjandi tættir í máltøku hjá børnum - greiða frá týdninginum málsliga menningin hevur fyri lesimenning - greiða frá hugtøkum innan lesitilognan og byrjanarlesing - lýsa og meta um tilfar, sum verður brúkt í føroyskum í grunddeild fólkaskúlans Harumframt skal hann duga at - skriva greitt og sjónligt á pappír - skriva greitt og sjónligt á talvu - vísa við dømum, hvussu ein lærari kann læra næmingar í grunddeildini at fáa góða hondskrift

Virkin luttøka. Tey lesandi skulu loysa úrvaldar uppgávur gjøgnum skeiðið. Uppgávur og avrik verða savnað í eina avriksmappu (portfolio). Avriksmappan skal leggjast fram við skeiðslok.

Innanhýsis

P-talsstigin

Lesandi fáa lestrarlista, áðrenn skeiðið byrjar.

Eyð Berghamar Steinbjørnsdóttir