5014.12 - Databasur og SQL


Skeiðsnummar
5014.12
Heiti
Databasur og SQL
ECTS
7,5
Fortreytir
Innleiðing í teldufrøði, Innleiðandi forritan við C++ / Java.
Endamál
Endamálið við hesum skeiði er at geva eina fyrstu innleiðing í databasur og DBMS-skipanir til umsiting av databasum, databasumálið SQL og bygnað av databasum.
Innihald
Skeiðið byrjar við eini innleiðing til DBMS-skipanir, og tað heldur fram við umrøðu av ER-modelli, ER-diagram, relatiónsútrokningar og relatiónsskema. At enda vera 3NF, BCNF og design algoritmur umrøddar. Parametrar til goymslustøðir, og databasu-koyringar eru seinastu evnir í skeiðinum.
Læru- og undirvísingarhættir
Fyrilestrar og venjingar, sum tey lesandi fáa við byrjan av skeiðinum. Loysnir verða gjøgnumgingnar í tímunum. Skeiðið byrjar í viku 44 (2012) við undirvísing hvønn týsdag og fríggjadag frá kl. 9 til 16 í 8 vikur. Tvær vikur er jólafrí. Undirvísingin verður avtalað nærri við skeiðsbyrjan. Undirvísingin fer fram í Ovastovu. Luttøka í tímunum verður staðiliga viðmæld.
Læruúrtøka
Tá skeiðið er liðugt skal tann lesandi kunna: • gera eitt eksternt databasu model við brúk av ER-modellinum. • gera eitt tilsvarandi hugtaksligt databasu model fyri tað eksterna databasu modellið. • installera eina Postgres DBMS skipan og skapa eina databasu. • gera og koyra lág- til miðal torførar SQL fyrispurningar. • definera og forklára relatiónsdatabasu modellið, og tær mest týðandi data bindingar í hesum modelli. • forklára møguligu orsøkirnar og avleiðingarnar av endurtøku-avleiddum trupulleikum til viðlíkahald av data. • definera 3NF, BCNF og koyra syntesu algoritmuna til at náa 3NF. • forklára ANSI/SPARC bygnaðin og eginleikarnar við eini DBMS skipan. • forklára hví koyringar (transactions) vera brúktar og forklára ACID-koyringar. • forklára konflikt-seriabilitet og deyðlæsing, og hví hesi hugtøk eru týðandi fyri koyringar.
Próvtøkuháttur
8 uppgávur harav 6 skula latast inn. Ov sein innlating verður einans góðkend við læknaváttan. Tær 6 uppgávurnar telja 5% hvør til endaligt próvtal og ein 2 tíma skrivlig próvtøka uttan hjálpiamboð telur 70%. Lesandi sum ikki standa skeiðið kunna fáa eina 4 tíma langa skrivliga endurpróvtøku, sum telur 100% fyri alt skeiðið.
Próvdøming
Uttanhýsis
Próvtalsstigi
13-talsstigin
Lestrarlisti
Ramakrishnan, Gehrke. Database management systems, 3rd. ed. McGraw-Hill, 2009.
Ábyrgd
Roland Kaschek