5039.21 - Objektrættað forritan við Java 1
Skeiðsnummar
5039.21
Heiti
Objektrættað forritan við Java 1
ECTS
7,5
Fortreytir
Staðið:
- 5010.16 Innleiðing í teldufrøði
- 5037.20 Innleiðandi forritan við Python
Viðmælt staðið:
- 5016.20 Teldunetverk og data samskift
Endamál
Endamálið við skeiðinum er at geva eina innleiðing í objektgrundað hugtøk og objektgrundaða forritan við kravfesting, íverksetan og brúk av klassum í Java. Áherðsla er á klassahugtakið og á nýtslu av objektum. Lært verður eisini um brúk av dynamiskum minni, referansum og rekursión; og um vanligar abstraktar datatypur. UML- modelmálið verður lýst innleiðandi.
Innihald
• Objecktorienterað hugtøk: Klassar, limir, objektir, attributtar, referansur, operatiónir, instansur, arvur, innkapsling, polymorfisma, relatiónir v.m.
• Kravfesting og implementering av klassum í Java.
• Kontrolstrukurar, streymar og fílhandfaring.
• Abstraktión og felags markamót.
• IO-handfaring, undantøk og serialisering.
• Vanligar iteratiónir og rekursivar algoritmur.
• Egnar implementeringar av sorterings- og leitingar-algoritmum.
• UML-diagram fyri klassar, objekt, aktivitetir og sekvensar.
• JVM – Java Virtual Machine & JIT Compiler– Just-In-Time Compiler.
•
Læru- og undirvísingarhættir
Fyrilestrar, uppgávuarbeiði umframt verkætlanararbeiði við sjálvlestri og bólkaarbeiði.
Ein skrivlig verkætlanarfrágreiðing verður kravd, og skal hon vera góðkend fyri at sleppa til próvtøku í hesum skeiði.
Eisini eru kravdar innlatingar, ið skulu vera mettar til ”staðið”, fyri at sleppa til próvtøku.
Møtiskylda kann vera í skeiðnum.
Læruúrtøka
Eftir skeiðslok skal lesandi vera før/ur fyri at:
• Lýsa og brúka vanligastu amboðini ið eru í Java meningarumhvørvinum (Java Development Kit, JDK).
• Greiða frá muninum millum avgreiðing av konventionellum forritum og Java forritum í serliga Java umhvørvinum.
• Brúka Java á grunnleggjandi hátt, herundir brúka variablar, metodur, klassar, objektir, undantøk og einfaldar lista-strukturar.
• Lýsa sambandið millum støðuna á einum objekti og tess atburð.
• Lýsa klassahieraki og -arv.
• Brúka polymorfismu við klassasubstititutión.
• Gangnýta objektorienteraði forritanarhugtøk til at loysa specifikkar uppgávur.
• Lýsa grunnleggjandi klassadesign og týdningin av at halda sterkan samanhangsmátt og veika treytan.
• Gangnýta feil- og undantakshandfaring.
• Lýsa tydningin av stødding (scalability)
• Gagnnýta iteratiónir, rekursión, metodu overloading og undantakshandfaring.
• Skapa forrit har loysnin verður deild upp í einfaldar partar við klassum og metodum.
• Kravfesta og implementera egnar klassar og gera samsvarandi klassadiagram í UML.
• Kravfesta og implementera ein vanligan abstraktan datastruktur sum ein klassa og brúka hann.
• Brúka objekt av øðrum typum sum datalimir í einum klassa.
• Brúka referansur í praktiskari forritan og í sambandi við brúk av dynamiskum minni.
• Lýsa, greina og gangnýta munir og líkheitir ímillum referansur (by reference) og virði (by value).
• Lýsa munin ímillum djúpa og grunna kopiering, og kunna umbroyta kodu í hesum sambandi.
Próvtøkuháttur
Skrivlig verkætlan við munnligari verju.
Próvdøming
Uttanhýsis
Próvtalsstigi
7-talsstigin
Lestrarlisti
Deitel & Deitel Java How to Program, Early Objects, Global Edition, Eleventh Edition, ISBN-10: 9781292223858; ISBN-13: 978-1292223858
Umframt møguliga supplerandi tilfar frá netinum.
Ábyrgd
Jari í Hjøllum