5070.10 - Bachelor verkætlan

5070.10

Bachelor verkætlan

22,5

Bachelorlesturin verður lokin við at gera eina verkætlan um eitt valt evni í KT-verkfrøði og skriva eina samanhangandi og greiða frágreiðing um arbeiðið. Frágreiðingin skal verða skipað sambært vanligum reglum í vísindaligum frágreiðingum.

Evni vera vald av teimum lesandi í samráði við vegleiðarar. Verkætlanin umfatar eina útgreinda lýsing og viðgerð av tillutaðu verkætlannaruppgávuni, mátingar við mátitólum, um tað er viðkomandi, savn av tilfari, greining av spurningum, og møguliga gerð ella kanning av skipan ella telduforriti. Ein víðfevnd ritgerð verður skrivað, og skal hon innihalda viðkomandi tekst, myndir, talvur, samandrátt, innihaldsyvirlit, indeks, og ein lista yvir tekn. Ritgerðin skal umfata skildømandi og víðfevnda umráðingar og viðgerð við niðurstøðum um úrslit, umframt samanberingar við áður vunnin úrslit, t.d. viðgjørd í faklium og vísindaligum tilvísingum. Ein stuttur ikki-serfrøðiligur samandráttur, ein hálva A4 síðu í stødd skal skrivast á føroyskum og á enskum. Ritgerðin verður skrivað á máli, ið semja verður gjørd um millum ábyrgdarlærara og student, vanliga á føroyskum, einum øðrum norðurlendskum máli ella enskum.

Verkætlanar-arbeiði við sjálvlestri og bólkaarbeiði. Leiðbeining og kjak av verkætlanini. Alt arbeiðið skal verða avrikað innan fyri tíðarkarm uppá 16 vikur, og ein evsta freist fyri innlating av B.Sc-ritgerð verður sett

Meting av skrivligari ritgerð, umframt munnligari framløgu og persónligari verju av ritgerðini. Próvtøkuúrslit sambært galdandi próvtalsstiga.

Allar viðkomandi greinar, bøkur, savn av dátum og instrumentering, dokumenterað forrit (any relevant papers, textbooks, collection of data, and instrumentation, documented software).

Petur F. Zachariassen