5033.24 - Lineer Algebra fyri KT-verkfrøðingar

5033.24

Lineer Algebra fyri KT-verkfrøðingar

7,5

Miðnámsprógv við støddfrøði á B-stigi.

Endamálið við skeiðnum er at geva studentunum grundleggjandi førleikar í lineerum algebra til at brúka bæði í sambandi við kunningar- og samskiftistøkni eins og sum grundarlag undir víðari lestri.

Lineer líkningasystem og lineerar avmyndingar. Matrixalgebra. Vektorrúm. Eginvirðitrupulleikar. Symmetriskar og ortogonalar matricur. Geometri í tveimum og trimum dimensiónum. Verkætlanararbeiði. Brúk av Maple.

Fyrilestrar og uppgávurokning (80 tímar). Sjálvstudium og skrivligar innlatingar (126 tímar). Undirvíst verður á føroyskum uttan so neyðugt er við enskum. Undirvísingartilfarið er í høvuðsheitum á enskum. 

Tá skeiðið er komið at enda, skal studenturin kunna: • Brúka matrixrokning og Gauss eliminatión í sambandi við loysn av lineerum líningaskipanum. • Analysera og greiða frá loysnarmongdum í vektorrúm út frá struktursetninginum. • Brúka vektorar og matricur til at lýsa 3D geometri – herímillum t.d. til teldugrafik. • Loysa 2D og 3D trupulleikar í euklidiskari geometri, so sum skurðmongd og frástøða millum støddfrøðiligar lutir sum t.d. planir og linjur. • Vera førur fyri at brúka støddfrøðiliga terminologi og grundgevingar í sambandi við skrivligt arbeiði. • Leggja til rættis samstarv í einum verkætlanarbólki um støddfrøðilig hugtøk og hættir í eini minni verkætlan. • Brúka symbolsk software-amboð, nú Maple, til loysn av og grafiska illustratión av støddfrøðiligum trupulleikum.

3 tímar skrivlig próvtøka uttan elektronisk hjálparamboð. Próvtal verður latið fyri próvtøkuna og meting av innlatingum, sum eru vektaði ávikavist 75% og 25%. Endurpróvtøkan er 3 tímar skrivlig próvtøka uttan elektronisk hjálparamboð.

Uttanhýsis

7-talsstigin

Gerald Farin (Author), Dianne Hansford (Author), Practical Linear Algebra: A Geometry Toolbox, Third Edition Hardcover – 18 Sep 2013. ISBN-13: 978-1466579569

Mortan Janusarson Thomsen