5038.20 - Linux-skipanir

5038.20

Linux-skipanir

7,5

Teldunetverk og data samskifti

Linux og Linux-líknandi stýrisskipanir eru í roynd og veru vorðnar vanligastu stýrisskipaninar fyri tól á internetinum, t.d. í fartelefonum, IoT, teldupostambætarum, vevambætarum og íkervum. Førleikar at leggja inn, seta upp, umsita og forrita til Linux hava fingið stóran týdning, tí tað er til staðar næstan allastaðnis í einum KT-arbeiði.

Skeiðið er ein inngangur til Linux har Linux verður lagt inn, brúkarar verða stovnaðir, tænastur settar upp, skripting og smærri forrit verða gjørd. Ein partur av skeiðnum verður smærri Linux forritan í bólkum.

Skeiðið verður grundað á verkligar venjingar, og har verða bert stuttir fyrilestrar. Læringin verður framd við ítøkiligum royndum, orðaskifti og teoretiskum og praktiskum uppgávum. Seinna helvt av skeiðinum verður eitt miniprojekt í bólkum, við einari skrivligari frásøgn og framløgu at enda.

Tá skeiðið er lokið, eigur tann lesandi vera før/ur fyri at: • Leggja Linux inn • Viðlíkahalda brúkarar, rættindi og trygd • Viðlíkahalda goymslu og fílukervi við sundurliman og forsniðan • Binda í teldunet, seta upp IP og beining • Binda í við SSH, gera IP-tunlar og flyta fílur við SCP • Leggja inn vevambætara, databasu og PHP (LAMP innlegging) • Skripting við skel-skriptum og løtt forritan við Python • Koyra bingjur

 Uppmøting verður kravd, við í mesta lagi 15% fráveru  Ein kravd bólkauppgáva verður í samband við skeiðið. Úrslitið skal vera ein koyrandi skipan og ein innlatin skrivlig frásøgn, sum lýsir uppgávuna  Har verður ein hálva-leið meting av projektinum  Próvdømingin verður grundað á skrivligu frásøgnini og eina framløgu av skipanini. Bert lesandi, sum hava nøktandi uppmøting, kunnu standa skeiðið

Innanhýsis

P-talsstigin

Mastering Ubuntu Server: Master the art of deploying, configuring, managing, and troubleshooting Ubuntu Server 18.04, 2nd Edition by Jay LaCroix ISBN-10: 1788997565

Hans Blaasvær