3005.09 - Hagfrøði við R

3005.09

Hagfrøði við R

7,5

At læra studentarnar grundleggjandi hagfrøði til loysn av verkfrøðiuppgávum og vísindaligum granskingaruppgávum við brúk av telduamboðinum R.

Grundleggjandi R. Installering og heinting av program-pakkum. R-sessiónir, R-dokumentatión og hjálp. Talviðgerð, roknihættir, vektorar, objektir og forritan í R. Grundleggjandi brúk av program-pakkum og funktiónum í R. Sløg av data. Skipan, sambinding og goymsla av data. Innlesing og útlesing av data til og frá ymiskum datakeldum, t.d. tekstfílum og dátugrunnum. Framvísing av data við tekni-funktiónum í R. Frágreiðandi hagfrøði. Sannlíkindi og stokastiskir variablar. Diskretir tættleikar, binomial- og poisson-býtið, Kontinuerir tættleikar, normalbýtið. Tilvildarlig sýnistøka og sýnistættleikar. Punkt- og interval estimatión. Test av hypotesum. Styrki av testum (power), stór og smá sýni. Einføld linjurøtt regressión og einvegis variansanalysa (ANOVA).

Sjálvlestur og uppgávuloysn undir stuðlaðari vegleiðing og projektarbeiði. Dentur verður lagndur á nýtslu og sjálvstøðuga innlæring av hagfrøði við R. Arbeitt verður við smærri uppgávum, umframt at tvær stóruppgávur skulu latast inn til góðkenningar. Stóruppgávurnar skulu vísa kunnleika til telduamboðið R og førleika til at brúka R til verkfrøðiligar/vísindaligar uppgávur.

Munnlig próvtøka í framløgu av stóruppgávum í kunnleika til hagfrøði við R. Próvtøkuúrslit sambært galdandi próvtalsstiga.

“Statistics and Data with R – An Applied Approach Through Examples”, Yosef Cohen and Jeremiah Y. Cohen. 2008. John Wiley and Sons Ltd. ISBN: 978-0-470-75805-2 (H/B).