1635.19 - Verkstova I – Tónlist

1635.19

Verkstova I – Tónlist

10

Treyt fyri luttøku er, at studenturin er innskrivað/ur til diplomútbúgvingina í listaligum arbeiði.

Studentarnir ogna sær grundleggjandi vitan um ástøðiligar hugsanir og arbeiðshættir innan tónasmíð/sangskriving og læra at brúka vitanina verkliga.

Skeiðið verður lagt til rættis, so innihaldið í mest møguligan mun samsvarar við áhugamálini og tørvin hjá studentunum. Undirvíst verður eitt nú í nótalæru, harmoni, ljóðtøkni og øðrum evnum, sum eru viðkomandi fyri tónleikagreinirnar, ið studentarnir arbeiða innan. Dentur verður bæði lagdur á at greina viðkomandi tónleikaástøði og at meistra ástøðiliga vitan í verki.

Undirvíst verður 3 tímar um vikuna í eina lestrarhálvu. Undirvísingin er skipað sum verkstovuundirvísing við venjingum, kjaki, fyrilestrum og framløgum.

Tá skeiðið er lokið, skal studenturin vera førur fyri at - greiða frá grundleggjandi ástøðiligum hugsanum og arbeiðshættum innan tónasmíð/sangskriving - greinandi viðgera hesi - sýna dømi um hesi í verki og meta um tey

Samansett. Bundin heimauppgáva + munnlig framløga.

Innanhýsis

P-talsstigin

Viðkomandi tilfar verður útflýggjað við lestrarbyrjan. Til próvtøkuna gevur studenturin upp tað tilfar, sum er viðgjørt á skeiðinum. Tilfarið skal í vavi samsvara við tær ásetingar, sum eru fyri skeið á BA-stigi á Føroyamálsdeildini.

Jens Dam Ziska