1642.20 - Verkstova II - Ritlist

1642.20

Verkstova II - Ritlist

10

Treyt fyri luttøku er, at studenturin er innskrivaður til diplomútbúgvingina í listaligum arbeiði.

Studentarnir fáa innlit í ástøðiligar hugsanir og arbeiðshættir innan týðing og skapandi skriving og læra at brúka hesa vitan í egnum ritlistaligum arbeiði.

Skeiðið er helvt um helvt um týðing og skapandi skriving. Undirvíst verður í týðing bæði ástøðiliga og verkliga. Viðkomandi tættir í týðingarfrøðini verða viðgjørdir, og studentarnir fáa høvi og leiðbeining í at týða útvaldar tekstir. Innan skapandi skriving verður serliga undirvíst í at skriva prosa. Hugt verður millum annað eftir, hvussu ein brúkar ymisk sløg av íblástrarkeldum í skrivitilgongdini, hvussu skriving kann vera tilvitað uttan at køva tað ótilvitaða, og hvussu prosa kann vera eitt tól at síggja og forfata lívsins brigdi. Arbeitt verður bæði við at læra av ritlistaligum fyrimyndum og við at finna sína rødd sum høvundur.

Undirvíst verður 3 tímar um vikuna í eina lestrarhálvu. Undirvísingin er skipað sum verkstovuundirvísing við venjingum, kjaki, fyrilestrum og framløgum.

Tá skeiðið er lokið, skal studenturin vera førur fyri at - greiða frá ástøðiligum hugsanum og arbeiðhættum innan týðing og skapandi skriving - greinandi og kritiskt viðgera hesi - sýna dømi um menning av egnum arbeiðshættum innan ritlist (framleiða avriksmappu).

Samansett próvtøka. Munnlig próvtøka við støði í avriksmappu, ið verður latin inn tvær vikur áðrenn próvtøkuna.

Uttanhýsis

7-talsstigin

Viðkomandi tilfar verður útflýggjað við lestrarbyrjan. Til próvtøkuna gevur studenturin upp tað tilfar, sum er viðgjørt á skeiðinum. Tilfarið skal í vavi samsvara við tær ásetingar, sum eru fyri skeið á BA-stigi á Føroyamálsdeildini.

Inger Smærup Sørensen