1643.20 - Egið arbeiði II – Ritlist

1643.20

Egið arbeiði II – Ritlist

10

Treyt fyri luttøku er, at studenturin er innskrivaður til diplomútbúgvingina í listaligum arbeiði.

Studentarnir læra at arbeiða kritiskt við ritlist og menna egið skrivingarlag.

Skeiðið er framhald av Egið arbeiðið I - Ritlist. Eins og í fyrra skeiðinum verður arbeitt við egnum tekstum, sum studentarnir skriva í sambandi við skeiðið. Høvuðsdenturin verður lagdur á at neyvlesa, greina og kritiskt viðgera egnan tekst við atliti at serligum eyðkennum í skrivikynstri og samsvari millum listaligar ætlanir og úrslit. Eisini verða viðkomandi ástøðiligir tekstir lisnir, ið seta tað at skriva í størri listalig, heimspekilig og samfelagslig høpi. Tekstir, sum studentarnir skriva, verða so hvørt, teir verða latnir inn, savnaðir í eina avriksmappu.

Undirvíst verður 3 tímar um vikuna í eina lestrarhálvu. Undirvísingin er skipað sum meistaralæra (masterclass), har egna arbeiðið hjá studentunum verður viðgjørt og ment gjøgnum bólkarbeiði og einsæris samrøður við mentorar.

Tá skeiðið er lokið, skal studenturin vera førur fyri at - greiða frá egnari arbeiðsgongd - greina egnan skrivihátt við atliti at tekstslagi og móttakara - meta um listaligar styrkir og veikleikar hjá egnum tekstum - sýna dømi um menning av egnum arbeiði innan ritlist (framleiða avriksmappu).

Avriksmappa verður latin inn við skeiðsenda.

Uttanhýsis

7-talsstigin

Viðkomandi tilfar verður útflýggjað við lestrarbyrjan. Til próvtøkuna gevur studenturin upp tað tilfar, sum er lisið á skeiðinum. Tilfarið skal í vavi samsvara við tær ásetingar, sum eru fyri skeið á BA-stigi á Føroyamálsdeildini.

Inger Smærup Sørensen