1654.21 - Ástøði IV, Kontextur – list sum felags uppliving

1654.21

Ástøði IV, Kontextur – list sum felags uppliving

5

Treyt fyri at luttaka á skeiðinum er lokið skeið í Verkstovu III, Egið arbeiði III og Ástøði III.

Studentarnir menna fjølbroytta hugsan um egna listaliga framleiðslu, og læra at meta um hesa í samtíðarlistaligum og samfelagsligum samanhangi.

Á skeiðinum verður hugt út í samfelagið, út í heimin móti samtíðarlistini, virkandi listafólkum og skapandi virksemi yvirhøvur. Sambond millum einstaka listafólkið og teir samanhangir, sum listafólkið virkar í, verða kannað. Ítøkiliga verða viðgjørd sambond millum list og almennan kritikk, list og akademiska gransking, list og politikk, umframt list í almenna rúminum, t.e. list sum felags uppliving í samfelagnum. Spurt verður m.a.: Hvussu verður listaligt arbeiði ávirkað av ráðandi hugsanum og krøvum í samfelagnum? Hvussu fræls er listin? Hvørji innlit fáast úr list, og hvussu verður støða tikin til hesi innlit? Hvat samband er millum tað, sum listafólk skapa, og tað, sum kritikarar ella granskarar siga ella skriva og fáast við?

Floksundirvísing 3 tímar um vikuna. Fyrilestrar, framløgur og kjak

Tá skeiðið er lokið, skal studenturin vera før/ur fyri at: - lýsa viðkomandi kjak og kritikk í nútímans viðgerð av list og listaligum virksemi í mun til egna listaliga framleiðslu - vísa á samtíðarligar akademiskar hugsanir um list - viðgera og úr kritiskum sjónarhornum meta um leiklutir, sum listin hevur í samfelagsligum samanhangi

Virkin luttøka. Virkin luttøka er umframt luttøku í undirvísingini við m.ø framløgu ein skrivlig innlating á uml. 2500 orð.

Innanhýsis

P-talsstigin

Viðkomandi tilfar verður útflýggjað við skeiðsbyrjan.

Jens Dam Ziska