1662.21 - Verkstova við sjálvlestrarlista Ritlist

1662.21

Verkstova við sjálvlestrarlista Ritlist

10

Treyt fyri luttøku er, at studenturin er innskrivað/ur til bachelorútbúgvingina í listaligum arbeiði.

Studentarnir ogna sær vitan um ástøðiligar hugsanir og arbeiðshættir innan ritlist og læra at brúka vitanina í einum ritlistaligum høpi.

Undirvíst verður eitt nú í frásagnarhættum, neyvlesing, tekstasløgum og øðrum evnum, sum eru viðkomandi fyri skaldskapargreinina/slagið, ið studentarnir arbeiða við. Dentur verður bæði lagdur á at greina viðkomandi ástøðiligar hugsanir um skriving og at menna egna skriving í einum ritlistaligum samanhangi. Studenturin ger í hesum sambandi ein sjálvlestrarlista við 5 verkum, ið eru viðkomandi fyri ritlistaliga arbeiðið, ið studenturin fæst við. Undirvísarin góðkennir listan, áðrenn listin legst afturat tilfarinum, sum kann vísast til undir próvhoyringini.

Undirvísingin er skipað sum verkstovuundirvísing við venjingum, kjaki, fyrilestrum og framløgum.

Tá skeiðið er lokið, skal studenturin vera før/ur fyri at: - greiða nágreiniliga frá ástøðiligum hugsanum og arbeiðshættum innan ritlist - kritiskt viðgera viðkomandi ástøði og arbeiðshættir - brúka viðkomandi ástøði og arbeiðshættir í verki og meta sjálvstøðugt um tey - seta egna skriving inn í ein ritlistaligan samanhang

Samansett. Bundin heimauppgáva + munnlig framløga.

Innanhýsis

P-talsstigin

Viðkomandi tilfar verður útflýggjað við lestrarbyrjan. Harumframt ger studenturin ein sjálvlestrarlista við 5 verkum, ið leggjast afturat tilfarinum, sum kann vísast til undir próvhoyringini.

Jens Dam Ziska