1663.21 - Verkstova við sjálvlestrarlista – Tónlist

1663.21

Verkstova við sjálvlestrarlista – Tónlist

10

Treyt fyri luttøku er, at studenturin er innskrivað/ur til bachelorútbúgvingina í listaligum arbeiði.

Studentarnir ogna sær vitan um ástøðiligar hugsanir og arbeiðshættir innan tónasmíð/sangskriving og læra at brúka vitanina í einum tónlistaligum høpi.

Undirvíst verður eitt nú í nótalæru, ljómfrøði, ljóðfalli og øðrum evnum, sum eru viðkomandi fyri tónleikagreinirnar, ið studentarnir arbeiða innan. Dentur verður bæði lagdur á at greina viðkomandi tónleikaástøði og at meistra ástøðiliga vitan í verki. Studenturin ger í hesum sambandi ein sjálvlestrarlista við 5 verkum, ið eru viðkomandi fyri tónlistaliga arbeiðið, ið studenturin fæst við. Undirvísarin góðkennir listan, áðrenn listin legst afturat tilfarinum, sum kann vísast til undir próvhoyringini.

Undirvísingin er skipað sum verkstovuundirvísing við venjingum, kjaki, fyrilestrum og framløgum.

Tá skeiðið er lokið, skal studenturin vera førur fyri at: - greiða nágreiniliga frá ástøðiligum hugsanum og arbeiðshættum innan tónasmíð/sangskriving - kritiskt viðgera viðkomandi ástøði og arbeiðshættir - brúka viðkomandi ástøði og arbeiðshættir í verki og meta sjálvstøðugt um tey - seta egið tónasmíð og sangskriving inn í ein tónlistaligan samanhang

Samansett. Bundin heimauppgáva + munnlig framløga.

Innanhýsis

P-talsstigin

Viðkomandi tilfar verður útflýggjað við lestrarbyrjan. Harumframt ger studenturin ein sjálvlestrarlista við 5 verkum, ið legst afturat tilfarinum, sum kann vísast til undir provhoyringini.

Sunleif Rasmussen