1667.21 - Formhugtakið – formligar endurnýggjanir í bókmentum. (Sjálvlestrarevni)

1667.21

Formhugtakið – formligar endurnýggjanir í bókmentum. (Sjálvlestrarevni)

10

Studenturin skal vera innskrivaður til lestur á Útbúgvingini í listaligum arbeiði – Ritlistleiðin.

Studenturin fær innlit í formhugtakið í bókmentum við støði í bókmentafrøði og við atliti at skapandi skriving. Við at lesa ástøði og skaldskap verður studenturin førur fyri serliga at viðgera form í mun til rák og broytingar í nýggjari bókmentum, m.a. við at lesa og kanna sonevnd hybridverk.

Formur er innihald, søgdu modernistarnir. Hvørjir formar eyðkenna bókmentir í dag, og hvat gera ymsu formarnir í mun til tað innihaldsliga, sum ein rithøvundur vil hava fram? Ritlistarliga ber til at spyrja: Hvussu velur ein rithøvundur ein form, sum hóskar til tað, hann vil hava fram? Eru ávísir formar fremjandi fyri ávíst innihald? Ein yvirskipaður spurningur er, hvat formur í grundini er. Er tað ein ávísur bygnaður í einum verki, ella er tað eisini ein innihaldslig kategori? Sonevndu hybridverkini bjóða hevdbundnum fatanum av, og formhugtakið verður støðugt endurskoðað. Lisnir verða fakligir, skaldsligir og ástøðiligir tekstir eftir m.o. Ursula Le Guin, Peter Stein Larsen og Claudia Rankine.

Sjálstøðugt arbeiði við vegleiðing og feed-back.

Eftir lokið skeið skal studenturin vera førur fyri at: - Greiða frá formhugtakinum og ástøðiligum hugsanum um form í bókmentum - Greina hugsanir og ástøði um lutfallið millum form og innihald í bókmentum, serliga bókmentum úr seinnu helvt av 20. øld og úr 21. øld - Viðgera skaldsligar tekstir sum dømi um slíkar hugsanir og formligar endurnýggjanir - Meta um hesar hugsanir og skaldskap við atliti at egnari skapandi skriving

Skrivlig próvtøka 6 tímar

Uttanhýsis

7-talsstigin

Verður útflýggjaður og góðkendur við skeiðbyrjan og skal telja í alt 3 vísindaverk og 4 bókmentaverk

Bergur D. Hansen