1670.22 - Endalig verkætlan og ritgerð - Ritlist

1670.22

Endalig verkætlan og ritgerð - Ritlist

30

Studenturin skal vera innskrivaður á BA-útbúgvingina í listaligum arbeiði

Verkætlan: Við skipaðari vegleiðing ein til ein hevur skeiðið til endamáls at stuðla og styrkja studentin í arbeiðinum við at menna sjálvstøðugt skrivingarlag. Studenturin lærir í tilgongdini at brúka ymisk sløg av íblástrarkeldum. At enda letur studenturin inn egið, sjálvstøðugt ritlistaverk. Ritgerð: Við vegleiðing verður studenturin stuðlaður í at nýta ástøðiligar hugsanir til at viðgera egna skapanargongd og skriva ritgerð við refleksivari frásjón um egið endaligt ritlistaverk/verkætlan.

Studenturin ger, í samráð við vegleiðaran, eina ætlan fyri endaligu verkætlanina og ritgerðina, sum útbúgvingarleiðarin skal góðkenna, og dekanurin staðfesta.

Sjálvstøðugt arbeiði við vegleiðing og einsæris feed-back frá vegleiðara. Hvør studentur hevur í alt 14 tímar saman við egnum vegleiðara. Harumframt eru felags savningar/plenum við framløgum og kjaki ein týðandi partur av undirvísingini, og luttøka er kravd.

Eftir lokið skeið skal studenturin vera førur fyri at: Verkætlan - skapa sjálvstøðugt ritlistaverk - brúka ymisk sløg av íblástrarkeldum sum ein virknan part av skrivitilgongdini - vísi menning við atliti at egnari skapandi skriving Ritgerð - greiða frá egnari arbeiðsgongd/skapanartilgongd - nýta ástøði til at umrøða og viðgera egna skapanargongd - hugleiða, við refleksivari frásjón, um egið ritlistaverk - meta sjálvstøðugt um styrkir og veikleikar í egnari arbeiðsgongd og eyðkenni í egnum verki

Samansett: endalig verkætlan + ritgerð verður latið inn 2 vikur áðrenn munnliga framløgu.

Uttanhýsis

7-talsstigin

Verður útflýggjaður og góðkendur við skeiðsbyrjan eftir avtalu millum student og vegleiðara og endaligari góðkenning frá útbúgvingarleiðara.

Lív Maria Róadóttir Jæger