1697.23 - Økiskanning í tónlist

1697.23

Økiskanning í tónlist

10

Studenturin skal vera innskrivað/ur á BA útbúgvingini í listaligum arbeiði

Studenturin lærir sjálvstøðugt at brúka sínar førleikar í einum samfelagsligum samanhangi við at gera kanningararbeiði, ið varpar ljós á eitt viðkomandi tónlistaligt øki.

Økiskanningin er sett saman av sjálvsstøðugum kanningararbeiði og eini skrivligari frágreiðing um eitt nágreinað tónlistaligt evni. Ein vegleiðari leiðbeinir økiskanningini. Studenturin avger í samráð við vegleiðaran evni, spurdóm, háttalag og endamál við økiskanningini. Ein partur av kanningararbeiðinum kann vera, at studenturin ger luttakaraeygleiðingar við at taka á seg uppgávur á einum viðkomandi mentanarstovni. Um hetta er høvuðsinnihaldið í kanningini, skal tíðin hjá studentinum á mentanarstovninum svara til 7 arbeiðsvikur. Í dømingini av frágreiðingini verður dentur lagdur á avrikið hjá studentinum viðvíkjandi at: nágreina eitt tónlistaligt kanningarevni, orða viðkomandi granskingarspurningar, brúka viðkomandi háttaløg, greina úrslit, meta um óvissur, miðla kanningarúrslit, og meta um tónlistaliga og samfelagsliga týdningin av kanningarúrslitunum.

Undirvísingin er skift sundur millum sjálvstøðugt kanningararbeiði og vegleiðing. Studenturin fær vegleiðing, tá økiskanningin byrjar, er komin í helvt og endar. Studenturin skal sum liður í økiskanningini greina og so hvørt skriva eygleiðingar í eitt skjal (logg-bók), sum vegleiðarin og studenturin brúka sum støði undir vegleiðingini, tá økiskanningin nærkast endanum, og uppgávan skal skrivast.

Við skeiðsenda skal studenturin vera før/ur fyri at: • útinna sjálvstøðugt kanningararbeiði um eitt tónlistaligt øki • lýsa sítt yrki í einum samfelagsligum samanhangi • miðla eygleiðingar og kanningarúrslit skrivliga • meta um týdningin av kanningarúrslitunum

Frágreiðing á 7-10 normalsíður (t.e. 2.400 eindir við millumrúmum pr. síðu)

Innanhýsis

P-talsstigin

Sjálvlestrarlisti gjørdur í samráð við vegleiðaran

Sunleif Rasmussen