1646.20 - Egið arbeiði II - Tónlist

1646.20

Egið arbeiði II - Tónlist

10

Treyt fyri luttøku er, at studenturin er innskrivaður til diplomútbúgvingina í listaligum arbeiði.

Studentarnir læra at arbeiða kritiskt við egnari tónlist og menna sjálvstøðugt tónasmíð.

Skeiðið er framhald av Egið arbeiðið I - Tónlist. Eins og í fyrra skeiðinum verður arbeitt við egnum verkum, sum studentarnir tónseta í sambandi við skeiðið. Høvuðsdenturin verður lagdur á at neyvlurta, greina og kritiskt viðgera egið verk við atliti at, hvussu kompositión, formur og útseting samsvara við listaligu ætlanina hjá studentinum. Eisini verða viðkomandi ástøðiligir tekstir lisnir, ið seta arbeiðið hjá studentunum í størri listalig, heimspekilig og samfelagslig høpi.

Undirvíst verður 3 tímar um vikuna í eina lestrarhálvu. Undirvísingin er skipað sum meistaralæra (masterclass), har egna arbeiðið hjá studentunum verður viðgjørt og ment gjøgnum bólkarbeiði og einsæris samrøður.

Tá skeiðið er lokið, skal studenturin vera førur fyri at - greiða frá egnari arbeiðsgongd - greina egnan tónasmíð við atliti at stíli, formi og tónleikagrein - meta um listaligar styrkir og veikleikar í egnum verkum - sýna dømi um menning av egnum arbeiði innan tónlist (framleiða avriksmappu).

Avriksmappa verður latin inn við skeiðsenda.

Uttanhýsis

7-talsstigin

Viðkomandi tilfar verður útflýggjað við lestrarbyrjan. Til próvtøkuna gevur studenturin upp tað tilfar, sum er lisið/lurtað eftir á skeiðinum. Tilfarið skal í vavi samsvara við tær ásetingar, sum eru fyri skeið á BA-stigi á Føroyamálsdeildini.

Sunleif Rasmussen