1668.22 - Verkstova II - Tónlist

1668.22

Verkstova II - Tónlist

10

Treyt fyri luttøku er, at studenturin er innskrivaður til bachelorútbúgvingina í listaligum arbeiði.

Studentarnir fáa grundleggjandi innlit í tónleikaframleiðslu og læra at brúka viðkomandi tónleikatøkni í egnum tónlistaligum arbeiði.

Verkstovan fer í stóran mun at snúgva seg um, hvussu tónleikatøkni verður nýtt í skapandi tónasmíð og sum amboð at framleiða liðug tónleikaverk. Undirvísingin verður løgd til rættis, so innihaldið í mest møguligan mun samsvarar við verkliga tørvin hjá studentunum. Undirvíst verður í at brúka viðkomandi forrit og tøkni, og studentarnir læra at arbeiða við egnum tónleikaverkum frá upptøku til lidna framleiðslu.

Undirvíst verður 3 tímar um vikuna í eina lestrarhálvu. Undirvísingin er skipað sum verkstovuundirvísing við venjingum, fyrilestrum og framløgum.

Tá skeiðið er lokið, skal studenturin vera førur fyri at - greiða frá ástøðiligum hugsanum og arbeiðshættum innan ljóðtøkni og tónleikaframleiðslu - kritiskt viðgera hesi - vísa dømi um menning av egnum arbeiðshættum innan ljóðtøkni og tónleikaframleiðslu (gera avriksmappu).

Samansett próvtøka. Munnlig próvtøka við støði í avriksmappu, ið verður latin inn tvær vikur áðrenn próvtøkuna.

Uttanhýsis

7-talsstigin

Viðkomandi tilfar verður útflýggjað við lestrarbyrjan.

Sunleif Rasmussen