1669.22 - Verkstova II - Ritlist

1669.22

Verkstova II - Ritlist

10

Treyt fyri luttøku er, at studenturin er innskrivaður til bachelorbúgvingina í listaligum arbeiði.

Studentarnir fáa innlit í ástøðiligar hugsanir og arbeiðshættir innan skapandi skriving og læra at brúka hesa vitan verkliga og uppá ymiskar mátar í egnum ritlistaligum arbeiði.

Skeiðið er framhald av Verkstova I Ritlist. Undirvíst verður bæði ástøðiliga og verkliga. Studentarnir arbeiða verkliga við skrivivenjingum innan skapandi skriving, og ymisk ástøði verða viðgjørd. Hugt verður millum annað eftir, hvussu ein brúkar ymisk sløg av íblástrarkeldum í skrivitilgongdini, og hvussu ástøðiligar hugsanir kunnu brúkast til at umrøða egna skrivitilgongd.

Undirvíst verður 3 tímar um vikuna í eina lestrarhálvu. Undirvísingin er skipað sum verkstovuundirvísing við skrivivenjingum, kjaki, fyrilestrum og framløgum.

Tá skeiðið er lokið, skal studenturin vera førur fyri at - greiða frá ástøðiligum hugsanum og arbeiðshættum innan skapandi skriving - kritiskt viðgera hesi - vísa dømi um menning av egnum arbeiðshættum innan ritlist (gera avriksmappu).

Samansett próvtøka. Munnlig próvtøka við støði í avriksmappu, ið verður latin inn tvær vikur áðrenn próvtøkuna.

Uttanhýsis

7-talsstigin

Viðkomandi tilfar verður útflýggjað við lestrarbyrjan.

Lív Maria Róadóttir Jæger