3601.07 - Formidling

3601.07

Formidling

3

Í nútíðar samfelagnum hevur formidling ein størri og størri týdning í okkara gerandisdegi. Í dag er ein vaksandi tørvur hjá vísindafólki at kunna onnur um síni úrslit, bæði í skrift og talu. Ikki bert starvsfelagar, men eisini tvørtur um fakmørk og til almenningin. Tað er eisini týdningarmikið, at stovnurin, har tú arbeiðir, kunnar almenningin um hvat fyriferst: Hvørjar kanningar, ið gjørdar verða, og ikki minst, um úrslitini frá kanningunum. Endamálið við seiðinum er at læra næmingarnar tey grundleggjandi tingini um formidling og samskifti. Við støði í almennari teori um formidling og við venjingum lærir studenturin, hvussu hann á ein fangandi og áhugaverdan hátt ber síni úrslit fram fyri ymiskum móttakarum, í skrift og talu. Dentur verður serliga lagdur á tann meiri populervísindaliga partin, men lært verður eisini, hvussu tú skrivar eina vísindaliga grein.

Samskifti, náttúruvísindaliga verðin og "hin verðin", avsendari - hvør er móttakarin?, stórir formidlarar. at leggja fram. fjølmiðlar sum boðberar. hvussu skrivar tú eina vísindaliga grein.

Tilsamans 30 tímar, býtt millum fyrilestrar og venjingar.

Út frá einum sjálvvaldum evni verður skrivað ein populervísindalig grein, sum seinri skal prentast í einum av føroysku dagbløðunum. Skeiðið er staðið, tá greinin er almannakunngjørd. Døming staðið/ikki staðið.

Eyðfinn Magnussen