3527.14 - Vistfrøði í vatni og havlívfrøði
Skeiðsnummar
3527.14
Heiti
Vistfrøði í vatni og havlívfrøði
ECTS
7,5
Fortreytir
Ongar
Endamál
At geva eitt yvirlit yvir livandi verur í sjógvi, vøtnum, áum og lýsa vistfrøði teirra. Skeiðið lýsir pelagisk og bentisk viðurskifti, og víst verða dømi úr Føroyum. Høvuðsdentur verður lagdur á sjógvin.
Innihald
Pelagiska umhvørvið: Pelagiskar verur, vistfrøði, liviumstøður og abiotiska umhvørvi teirra. Gróður og ávirkan frá umhvørvinum. Útsjónd, tillaging og ávirkan millum plantuplankton, djóraplankton og hægri djór. Mikrobiologisk vistfrøði, sedimentering og ringræsir av lívrunnum og ólívrunnum evnum, plantum og djórum. Havbotnurin: Bentisk vistfrøði og viðurskifti í sedimentum. Bentisk flora og fauna, teirra virking og tillaðing til umhvørvið. Sínámillum ávirkan ímillum botndjór.
Trofisk viðurskifti: Føðiketur og føðinet, sundirgreiningar í føðsluløg og flutningur av orku ígjøgnum føðsluløgini. Veðurlags- og mannaávirkan.
Áir og vøtn: Djóralívið í áum og vøtnum.
Læru- og undirvísingarhættir
Fyrilestrar, uppgávurokning, venjingar og kollokvium
Læruúrtøka
Eftir staði skeið kann studenturin:
1) Skilja høvðus lívsformarnar í sjónum, greiða frá muninum millum teir og hvussu teir ávirka hvønn annan.
2) greiða frá hvussu lív í sjónum ávirkar ringrásir av ymiskum evnum, serliga carbo.
3) skilja hvussu ymiskir umhvørvis faktorar og prosessir ávirka nøgd og spjaðin av organismum í havinum, bæði í tíð og stað og á ymiskum skalum.
4) greiða frá ymiskum metodum til at mátað nøgd, biomassa, vøkstur, og mortalitet av plankton organismum.
Próvtøkuháttur
Skrivlig próvtøka í fýra tímar uttan hjálparamboð. Tó eru NVD teldur tøkar sum skrivi- og rokniamboð. Próvtøl verða eisini givin fyri innlatingaruppgávur og miðal av hesum próvtølum telur 20% av próvtalinum fyri skeiðið. Galdandi próvtalsstigi verður nýttur.
Próvdøming
Uttanhýsis
Próvtalsstigi
13-talsstigin
Lestrarlisti
Biological Oceanography: An Introduction. Carol Lalli and Timothy Parsons (1997), 2 edition. 320 pages. A Butterworth-Heinemann. ISBN-13: 978-0750633840.
Basisbog i ferskvands økologi. Sand-Jensen,K., Iversen,T.M. & Lindegaard,C. (1995) 3. ed. G.E.C Gads Forlag. p. 62. ISBN: 87-12-02028-1. (Fæst kopierað á NVD).
Ecology of five Faroese lakes: Summary and synthesis. Jeppesen, E., Christoffersen, K., Malmquist, H., Faafeng, B., & Hansson, L-A. 2002. Ann. Soc. Scient. Færoensis. Suppl. 36:126-139. (Fæst kopierað á NVD).
Stofomsætning I havbunden. Tema-rapport frá DMU, 62 síður. PDF-fíla
Plankton kompendium. Kopierað tilfar
+ annað kopierað tilfar
Ábyrgd
Høgni Hammershaimb Debes