3572.22 - Aling
Skeiðsnummar
3572.22
Heiti
Aling
ECTS
7,5
Fortreytir
Almenn og ólívrunnin evnafrøði, lívrunnin evnafrøði,
jørð, hav og luft I ella tilsvarandi skeið
Endamál
Endamálið við skeiðnum er at tann lesandi ognar sær grundleggjandi, holla og breiða vitan og innlit í aling av laksi og tara. Dentur verður lagdur á lýsing av umhvørvi, øll týðandi stig í ali- og sláturtilgongdini, um fiskaheilsu og -sjúkur og um alilóggávu í lívfrøðiligari burðardyggari aling.
Innihald
• Sjógvur, hiti, ljós, streymur, alda,
• alibúður, oxygen, modellering,
• rognframleiðsla, kynbótaarbeiði,
• vatnendurnýtsla, resirkulering (RAS),
• smoltframleiðsla,
• aling av laksi á sjónum,
• laksafóður og føðslufrøði,
• fiskaheilsa og -sjúkur, smittuvandar,
• lús og avlúsingarhættir, reinsifiskar, rognkelsi,
• tøka, slátur, processering, pakking, flutningur,
• dálking, umhvørvisfyrilit, umhvørvisgóðkenning, alilóggáva, lógir og kunngerðir.
• Aling av ymsum tarasløgum.
Læru- og undirvísingarhættir
Fyrilestrar, uppgávurokning, ritvenjingar, hugakort, bólkarbeiði, framløgur, sjálvlestur og kanningarferðir til alivirki.
Læruúrtøka
Tá skeiðið er lokið, skal tann lesandi vera før/ur fyri at:
• Meta um viðurskifti í sjógvi, ið ávirka umstøðurnar fyri aling
• Lýsa og nágreina framferðarhættirnar í rognframleiðslu og kynbótaarbeiði
• Greiða frá tilgongdini av smoltframleiðslu á landi
• Greina skipanina Recirculating Aquaculture Systems (RAS) og hvørji parametrar eftirlit verður havt við
• Meta um hvørjir umhvørvistrupulleikar kunna standast av alivinnuni
• Lýsa framleiðsluna av laksafóður og føðslufrøðiliga virði
• Greiða frá hvussu tøka, slátur, processering og pakking verður skipað væl
• Greiða frá um laksalús og avlúsingarhættir
• Lýsa framleiðsluna av ymiskum tarasløgum
• Greiða frá fiskaheilsu og -sjúkum og hvørjar mannagongdir kunnu verða fyribyrgjandi fyri sjúku og smittuspjaðing
• Greiða frá galdandi alilóggávu og mannagongdum fyri umhvørvisgóðkenning
Próvtøkuháttur
Munnlig próvtøka av virðismettari skeiðsritgerð. Fortreyt fyri at sleppa til próvtøku er at øll skeiðsavrik eru mett staðin.
Próvdøming
Innanhýsis
Próvtalsstigi
P-talsstigin
Lestrarlisti
Vísindaligar greinar, kapitlar í lærubókum og notur. Tilfarið verður lagt á Moodle
Ábyrgd
Sigurd Christiansen