3573.23 - Havlívfrøði II

3573.23

Havlívfrøði II

7,5

Havlívfrøði I ella tilsvarandi skeið

At geva eitt yvirlit yvir virknaðir og tillaðing hjá plantum og djórum í sjónum

Tað fysiska og kemiska umhvørvið og hvussu verur í sjónum laga seg til broytingar í umhvørvinum, t.d. hita, salti, osmotiskum trýsti, oksygeni og ljósi. Nøring, spjaðing og ferðing. At liva í vesku. Margfeldi og livihættir hjá botndjórum. Prosessir á havbotninum. Tarar

Fyrilestrar, kollokvium og venjingar

Tá skeiðið er lokið, skal tann lesandi vera før/ur fyri at: • Greiða frá vistfrøðiligum og evolutionerum meginreglum í havlívfrøði eins og lýsa týðandi frøðihugtøk so sum klassifikatión, økologisk interaktión, hierarchy og marina biogeography • Siga frá kemiskum og fysiskum hugtøkum í marina umhvørvinum eitt nú saliniteti, oxygen, ljósi, temperaturi eins og fysiologiskari útinning (performance) og cykliskum atferðar- fysiologiskum responsi . • Greiða frá, hvussu livandi verur laga seg til tað fysiska marina umhvørvið eitt nú viðvíkjandi temperaturi, salti, og oxygeni. • Røða um lív í flótandi medium, siga frá densiteti, viscositeti, tal Reynholds eins og hydrodynamiskum fyribrigdum. • Greiða frá faktorum, sum stýra dynamikkinum hjá plantuæti og djóraæti í havinum, herundir váruppblóming av plantuæti og vertikalari migratión hjá djóraæti. • Umrøða føðiketur/føðinet og týdning fyri fiskiveiðu. • Umrøða økologiskar og evolutionerar faktorar í samband við reproduktion, sløg av sexualiteti, demography, migration og biogeographiskar strukturar. • Greiða frá klassifikation, nøring og útbreiðslu hjá tarum og teimum faktorum, sum stýra nøgdini av tara í sjóvarmálanum, herundir trofiskar kaskadur. • Greiða stutt frá sjófugli og hvali. • Lýsa fysisku og kemisku eginleikarnar í sedimentum, eins og funktionellar høvuðsbólkar so sum filturetarar, sedimentetarar (deposit feeder), ræðetarar og rovdýr. • Lýsa avbjóðingar hjá livandi verum í sjóvarmálanum, millum annað viðvíkjandi uppturking, temperaturi, oxygeni, kapping og predatión og hvussu hetta skapar eina sonering av livandi verum í sjóvarmálanum. • Greiða frá biodiversiteti í havinum og frá nøkrum tólum, sum verða nýtt til at máta biodiversitet.

Skriftlig próvtøka í fýra tímar, uttan hjálpitól. Próvtal verður eisini givin fyri innlatingarupppgávur og miðal av hesum próvtølum telur 20% av próvtalinum fyri skeiðið. Kravið um at lata uppgávur inn er tó ikki galdandi fyri studentar, sum fara til endurpróvtøku. Í tí førinum telur skrivliga próvtøkan 100% av karakterinum.

Uttanhýsis

7-talsstigin

Marine biology: function, biodiversity, Ecology / Jeffrey S. Levinton, Stony Brook University. - Fifth edition. ISBN: 978-0190625276 + kopierað tilfar. Útvaldar greinir.

Petur Steingrund