3541.16 - Veðurlagsbroytingar og árin á plantur og djór

3541.16

Veðurlagsbroytingar og árin á plantur og djór

7,5

B. Sc. í lívfrøði fram til 6. semestur

Endamálið við skeiðnum er at geva eitt yvirlit yvir veðurlagsskipanina og tey árin, sum menniskjaskaptu veðurlagsbroytingarnar fara at hava á plantur og djór í vistskipanum á sjógvi og landi.

Teir týdningarmestu partarnir av veðurlagsskipanini og sambondini teirra millum verða viðgjørd umframt menniskjaárin á broytandi veðurlag. Árin av broyttum veðurlagi á sløg, búfjøldir, samfeløg og vistskipanir. Fenologiskar broytingar, migratión og tillagingar Fysiologi og “behavioral response” hjá djóra- og plantusløgum Demografi. Kappingarevni hjá sløgum

Fyrilestrar grundaðir á lestrarlista, gjøgnumgongd av vísindaligum greinum og studentaframløgur

Tá skeiðið er at enda komið, megnar studenturin at: - Greiða og leggja fram úrslit frá vísindaligum greinum. - Útgreina veðurlagsskipanina. - Nágreina høvuðsárinini av veðurlagsbroytingunum á terrestriskar plantur. - Nágreina høvuðsárinini av veðurlagsbroytingunum á terrestrisk djór. - Nágreina høvuðsárinini av veðurlagsbroytingunum á marinar plantur. - Nágreina høvuðsárinini av veðurlagsbroytingunum á marin djór. - Lýsa og greiða frá á hvønn hátt broytt veðurlag ávirkar vakstrarbeltir. - Lýsa og greiða frá á hvønn hátt broytt veðurlag broytir samanseting av plantusamfeløgum. - Lýsa og greiða frá á hvønn hátt broytt veðurlag broytir samanseting av djórasamfeløgum. - Lýsa og greiða frá á hvønn hátt broytt veðurlag ávirkar kappingarevni millum plantu sløg. - Lýsa og greiða frá á hvønn hátt broytt veðurlag ávirkar kappingarevni millum djóra sløg. - Røða um hvørjar møguleikar plantu- og djórasamfeløg hava í samband við veðurlagsbroytingar. - Lýsa og greiða frá hvat fenology er og hvønn týdning tað hevur fyri pakntur og djór. - Røða um fenologiskar broytingar hjá plantu- og djórasløgum orsaka av veðurlagsbroytingum. - Røða um hvørja ávirkan ein broyting í fenologi hevur á migration og tillagingar.

Studentarnir leggja fram innan evnini: 1) árin á marinar vistskipanir, 2) árin á terrestriskar vistskipanir. Hesi eru grundað á vísindaligar greinar.

Innanhýsis

P-talsstigin

Bókmentir: Bogi Hansen, 2011: Veðurlagsbroytingar, Nám. Brot úr IPCC-2014 Climate Change 2014: the Fifth Assessment Report of the Intergovernmental Panel on Climate Change Vísindaligar ritgerðir

Jóhannis Danielsen