3512.23 - Almenn og ólívrunnin evnafrøði
Skeiðsnummar
3512.23
Heiti
Almenn og ólívrunnin evnafrøði
ECTS
7,5
Fortreytir
B-stig í stødd-, alis- og evnafrøði, ella líknandi støði
Endamál
Endamálið við skeiðinum er at geva teimum lesandi grundleggjandi innlit í evnafrøðiligar meginreglur, eins og nýtslu av evnafrøði í umhvørvis- og lívfrøðiligum sambondum.
Innihald
• Støkiometri
• Loftevnislógir.
• Grundleggjandi termodynamikkur.
• Skeiðbundna skipanin. Elektroniskar konfiguratiónir í atomum.
• Javnvág og kinetikkur
• Sýrur og basar.
• Kemiskar bindingar.
• Elektroniskar konfiguratiónir í atomum og mýlum.
• Colligativir eginleikar.
• Ólívrunnin evnafrøði.
Læru- og undirvísingarhættir
Fyrilestrar, uppgávurokning, starvstovuvenjingar, bólkaarbeiði og framløgur.
Læruúrtøka
Tá skeiðið er lokið, skal studenturin vera før/ur fyri at:
• Greiða frá uppbyggingini av skeiðbundnu skipanini eins og periodiskari variatión av eginleikum hjá frumevninum.
• Greiða frá uppbygging av atomum og mýlum.
• Greina idealgasslógina og týdninginum av partialtrýsti.
• Nýta grundleggandi termodynamik, eitt nú enthalpi, entropi og fríu orku Gibbs, at greina evnafrøðiligar reaktiónir.
• Greiða frá mongdarlutfalli og stilla reaktiónslíkningar.
• Greina og skilja ímillum sløg av evnafrøðiligum bindingum.
• Lýsa reaktiónsordan, aktiveringsorku fyri evnafrøðiligar tilgongdir eins og ávirkanina av katalýsu.
• Greina javnvágskonstant fyri eina reaktión og rokna út javnvágsamanseting.
• Rokna út pH í upploysingum av veikum og sterkum sýrum og basum eins og puffaraskipanum.
• Rokna út oxidatiónstrin og stilla redoxreaktiónir.
• Greiða frá koordinatiónsforbindilsum
• Vísa í verki hegni og dugnasemi í starvsstovu, greina og leggja fram um royndarúrslit
Próvtøkuháttur
Fyri at sleppa til skrivligu próvtøkuna:
• skulu kravd skrivlig avrik vera innlatin rættstundis og eftirmett og
• starvstovuarbeiði verða góðkent
Skrivlig 4 tíma roynd. Øll hjálparamboð eru loyvd, t.d. bøkur, uppgávur, notur. Endaligt próvtal er eitt vektað miðaltal av próvtøkukarakteri (75%) og miðalkarakteri av 5 teimum bestu (av 7) innlatnum uppgávum (25%).
Endurpróvtøka:
Áður góðtikin skrivlig avrik kunnu nýtast.
Próvdøming
Uttanhýsis
Próvtalsstigi
7-talsstigin
Lestrarlisti
Chang / Goldsby: General Chemistry The Essential Concepts 7. Edition (International Edition, 2014). ISBN 978-1-259-07376-2
Starvsstovuvegleiðingar verða útflýggjaðar við skeiðsbyrjan.
Ábyrgd
Sigurd Christiansen