3515.22 - Stødd- og hagfrøði fyri lívfrøðingar

3515.22

Stødd- og hagfrøði fyri lívfrøðingar

7,5

Miðnámsprógv við B-stigi í støddfrøði

Endamálið við skeiðnum er, at at studenturin fær vitan um grundleggjandi støddfrøði og hagfrøði og nýtslu av hesum greinum innan lívfrøði.

Differenslíkningar. Logistiskur vøkstur og aðrar vakstrarkurvar. Matrisur. Invers matrisa, eginvirði og eginvektorar. Modell fyri aldursbólkar og sløg, rovdýr og fongdýr, kapping, symbiosa. Framrokning og afturrokning við matrisum og eginvektorum. Javnvágir, sveiggj og støðufesti. Hagfrøðilig grundhugtøk. Populatión, sýnistøka, viðgerð og framløga av data. Miðal- og spjaðingarmát. Grundleggjandi sannlíkindahugtøk og sannlíkindabýti. Normal-, binomial- og poissonbýti. Estimatión og konfidensinterval. Statistisk test. Tíddargreining. Korrelatión og einføld regressiónsgreining. Samanbera miðalmát. Uppgávur og venjingar við dømum úr lívfrøðini.

Fyrilestrar og uppgávurokning.

Eftir lokið skeið skal studenturin vera førur fyri at: • Greiða frá hugtøkunum populatiónsstøddfrøði og differenslíkningar, matrisur og eginvirði, populatión og sýnistøku, sannlíkindi og sannlíkindabýti, estimatión og statistisk test • Vísa á dømi um einføld støddfrøði- og hagfrøði-modell í lívfrøði og greiða frá variablum og parametrum í modellunum. • Gera útrokningar í modellunum og greina úrslitini í einum lívfrøðiligum høpi.

Skrivlig próvtøka í fýra tímar, ið telur 75% í próvtalinum. Hjálparamboð loyvd, tó ikki samskiftisútgerð. Tilsamans seks innlatingar, har fýra tær fyrstu skulu góðkennast, og tvær tær síðstu telja 25% í próvtalinum.

Uttanhýsis

7-talsstigin

Mathematical models in biology – an introduction. E.S. Allman & J.A. Rhopes, 2004. ISBN 978-0-521-52586-2 Introductory Biological Statistics. John E. Havel, Raymond E. Hampton og Scott J. Meiners. 4th Edition, 2019; ISBN 978-1-4786-3818-6

Benadikt Joensen