3500.20 - Fróðskaparhegni, vísindaástøði og etikkur

3500.20

Fróðskaparhegni, vísindaástøði og etikkur

7,5

A)Miðnámsprógv og upptikin til heilt bachelor-nám við Fróðskaparsetur Føroya ella B)Miðnámsprógv og upptikin til stakgreinalestur á Fróðskaparsetursins Føroya.

At veita studentum kunnleika um ymiskar fróðskaparligar førleikar, sum leggja grund undir fatan, bygnað og funktión av fróðskaparlestri, akademiskum arbeiði, akademiskari grundan, og ger studentarnar førar fyri at gagnnýta nevndu hugavirksemi og yrkisdygdir.

Gott lestrarlag. Upplýsingar- og bókmentaleiting. Siðalæra í samband við lestur og vísindi. Reiðilig og óreiðilig vísindalig framferð. Náttúruvísindi, málvísindi og samfelagsvísindi, sammett og munmett. Vísindaheimsspeki. Dømi um yrkisroyndir frá gransking og fróðskaparligum virksemi.

Fyrilestrar. Floksorðaskifti. Ritroyndir ella essay. Bólkaarbeiði. Studentaframløgur.

Eftir lokið skeið, megnar tann lesandi at: • Skipa seg og nýta ymiskar hættir at læra og samskipa evni á námsskránni. • Leita við savnsforritum og net-leititólum í hóskandi databasum eftir viðkomandi upplýsingum og yrkisbókmentum. • Greiða frá trupulleikum og vandum av óreiðiligari vísindaligari framferð, so sum ritstuldri og sviki, undir lestri og í starvshøpi. • Lýsa og greiða frá grundleggjandi hugsanum, hugskotum og hugtøkum í vísindaástøði og siðalæru eins og seta nevndu í heimspekiliga frásjón. • Greina vísindaligar og/ella siðafrøðiligar próvførslur og virðismeta dygd og gildi teirra. • Greiða frá høvuðstankum hjá úrvalsheimspekingum eins og greiða frá tulkingum og ávirkanum teirra á náttúruvísindi og siðafrøði. • Vísa á og ásanna heimspekiligar og siðafrøðiligar spurdómar undir lestri, í vísindahøpi, ella í framtíðar yrkishøpi, og greiða frá fylgjunum. • Sammeta og munmeta (kontrastera) sjónarmið og háttaløg (eitt nú dygdarliga og mongdarliga) og undirliggjandi heimspeki teirra á ymiskum vísindaligum fakøkjum, so sum náttúruvísindum, málvísindum, samfelagsvísindum ella hugvísindum.

Kravdar ritroyndir og/ella onnur verkevni/heimaarbeiði skulu vera innlatin rættstundis, eftirmett og góðkend fyri at sleppa til próvtøku. Skrivlig fýra-tíma próvtøka.

Uttanhýsis

7-talsstigin

Jacobsen, Jógvan í Lon. (2012). Ærligt talt, who cares. En sociolingvistisk undersøgelse af holdninger til og brug af importord og afløsningsord i færøsk (útvaldar blaðsíður). Rollin, BE (2006) Science and Ethics. Cambridge University Press. ISBN 978-0-521-67418-8. Rosenberg, A (2012) Philosophy of Science: A Contemporary Introduction. Routlegde - Taylor & Francis. ISBN: 978-0-415-89177-6. (Fæst eisini sum e-book.) Úthendi

Hóraldur Joensen