7119.20 - Føroyskt sum samskiftisamboð og sum samleika-, mentanar- og vitanarberi. Námsfrøðingar
Skeiðsnummar
7119.20
Heiti
Føroyskt sum samskiftisamboð og sum samleika-, mentanar- og vitanarberi. Námsfrøðingar
ECTS
10
Fortreytir
At lesandi er innskrivaður á NÁD
Endamál
Endamálið við skeiðnum er, at tann lesandi ognar sær grundleggjandi innlit í týdningin, ið mál hevur fyri menning hins einstaka sum samleika-, mentanar- og vitanarberi.
At tann lesandi mennir sín skrivliga førleika.
Innihald
• Hvat er mál
• Literasi, máltilognan og málmenning
• Vitan og orðatilfeingi
• Sambandið ímillum mál og samleika
• Málnýtsla og samleiki
• Tvímæli
• Læring í familjuni
• Narrativitetur
• Samskifti (munnliga og skrivliga) lagað til støðu og umstøður
• Gott og/ella vánaligt mál
• Ástøði og gerandisdagurin
• Akademiskt skrivingarlag
• Mállæra, skriving og rættskriving
Læru- og undirvísingarhættir
Skift verður ímillum fyrilestralíknandi dialogiska frálæru, studentaframløgur, skrivligar venjingar, bæði í bólki og einsæris.
Læruúrtøka
Tá ið skeiðið er lokið, skal tann lesandi vera før/ur fyri at :
• greiða frá grundleggjandi ástøðum um mál sum samskiftisamboð og sum samleika-, mentanar- og vitanarbera og tvinna hesi ástøðini saman við námsfrøðiligum virksemi
• vísa hóskandi mál- og samskiftisførleikar í ymsum sjangrum og høpum
• greiða frá, hvat eyðkennir list- og frásagnarfrøði og seta tað saman við mentan og samleikamenning hins einstaka
Próvtøkuháttur
48-tíma próvtøkuuppgáva at leggja fram munnliga tvey og tvey.
Treytin fyri at standa skeiðið, er, at tann lesandi hevur fingið góðkent skrivliga uppritið í rættskriving og teknseting.
Próvdøming
Uttanhýsis
Próvtalsstigi
7-talsstigin
Lestrarlisti
Tey lesandi fáa lestrarlistan, tá ið skeiðið byrjar.
Ábyrgd
Lydia Didriksen