2345.20 - Sosiologi og antropologi

2345.20

Sosiologi og antropologi

10

Tey lesandi skulu hava miðnámsútbúgving ella samsvarandi førleika.

Endamálið er at geva lesandi eina grundleggjandi fatan av sosiologi og antropologi sum vísindagreinir, hetta við denti á hugtøk, ástøði og háttalag. Tey lesandi skulu læra at brúka hugtøk og ástøði at viðgera og greina samfelagsvísindalig evni úr sosiologiskum og antropologiskum perspektivum.

Skeiðið fevnir um klassisk og nýggjari ástøði í sosiologi og antropologi, sæð í einum søguligum og samtíðarljósi. Ástøðini verða knýtt at týðandi evni innan sosiologi og antropologi, sum t.d. bólkar og stættir, kyn og samleiki, trúgv og mentan, búskapur og forbrúk, og familju. Og Skeiðið knýtir dømi úr føroyska samfelagnum til dømi úr øðrum samfeløgum.

Skeiðið fevnir um umleið 12 seminar. Undirvísingin verður skipað við fyrilestrum, framløgum, orðaskifti, og smáum venjingum. Tey lesandi skulu haraftrat lata inn styttri skrivligar uppgávur.

Lesandi skulu vísa at tey: • Kenna sosiologisk og antropologisk grundhugtøk • Duga høvuðslinjurnar í teimum teorium tey læra um á skeiðinum • Eru før fyri at brúka vitan úr vísindagreinunum sosiologi og antropologi í sínum samfelagsvísindaligum arbeiði og í sínari gransking • Duga at brúka sosiologisk og antropologisk háttaløg

Bundin 4-tíma skrivlig próvtøka, har øll hjálparamboð eru loyvd. Fortreyt fyri at sleppa til próvtøku er, at hin lesandi hevur latið inn og fingið góðkent tvær skrivligar innlatingar á skeiðinum.

Uttanhýsis

7-talsstigin

Pensum umleið 1.000 síður.

Firouz Gaini