2020.12 - Eldri føroysk søga (Norðurlendsk og føroysk søga í víkingaøld og miðøld)

2020.12

Eldri føroysk søga (Norðurlendsk og føroysk søga í víkingaøld og miðøld)

10

Tey lesandi skulu hava miðnámsútbúgving ella samsvarandi førleika.

At veita teimum lesandi grundleggjandi kunnleika til eldru søgu Føroya og fyritreytirnar fyri søguligu gongdini, yvirlit yvir týðandi gransking, sum er tøk á økinum, og grundleggjandi førleikar til at meta um dygdina á útvaldum verkum og søguligum heimildum. Tey lesandi skulu: • læra at síggja samanhangir millum fyribrigdi í eldru søgu Føroya og søgulig viðurskifti í grannalondum landsins. • duga at meta um útvald verk/sjónarmið á økinum. • vera før fyri at meta um ymiskar keldur til avmarkaði evni á økinum. • sjálvstøðugt megna at leggja fram og viðgera eitt ávíst evni á økinum. Skeiðið vendir sær eisini til fólk, sum hava almennan áhuga fyri eldri søgu í norðurlondum við serligum denti á Føroyar.

Tey lesandi fáa í gjøgnum skeiðið grundleggjandi kunnleika til søgu Føroya í elstu tíðum, sambandið millum søguligu gongdina við søgulig viðurskifti í grannalondunum og bókmentir um evnið.

Skeiðið er umleið 30 tímar. Undirvísingin verður skipað sum fyrilestrar, framløgur, venjingar og kjak. Tey lesandi skulu við skeiðsbyrjan velja sær eitt evni, sum tey skulu fyrireika seg uppá at hava framløgu um fyri restina av flokkinum.

Munnlig próvtøka. Tann lesandi fær hálvan tíma til fyrireiking og hevur loyvi at hava pensum og annað tilfar frá undirvísingini við í fyrireikingarhølið. Próvtøkuspurningurin er um eitt ávíst evni í pensum, men perspektiverandi spurningar verða eisini settir til aðrar partar av uppgivna pensum. Próvdømingin er uttanseturs eftir galdandi próvtalsstiga.

Uttanhýsis

13-talsstigin

Pensum er umleið 1000 síður, harav umleið 100 síður í keldum.

Kári Jespersen