2622.12 - Búskapur og samfelag

2622.12

Búskapur og samfelag

10

Tey lesandi skulu hava miðnámsútbúgving ella samsvarandi førleika, og roknað verður við at tey duga at brúka høvuðs-facilitetirnar í EXCEL.

Endamálið við skeiðinum er at veita søgu-, stjórnmála-, og samfelagsfrøðis-lesandi innlit í • Grundleggjandi partar av lærugreinini búskaparfrøði, herundir týðandi hugtøk og myndlar, umframt búskaparsøgu og teorisøgu (tó uttan at talan er um vanligt grundskeið í búskaparfrøði) • tann leiklut sum búskaparfrøði hevur í verkligum politikki, og tann leiklut, sum búskaparlig viðurskifti hava og hava havt í samfelagsligu umbroytingunum

Umframt innleiðslu í nøkur av teimum grundleggjandi hugtøkunum og myndlunum innan búskaparfrøðina verður eisini venjing nýta búskaparhagtølini á dátugrunni Hagstovunnar. Annars eru týðandi tema sambandið millum tøkniligar-økonomiskar innovatiónir og socio-økonomiskar umbroytingar (sambandið millum produktivitet, vøkstur og transformatión), marknaðarstýring mótvegis inntrivsstýring, og sambandið millum nútíðina og tann søguliga sjónarvinkulin.

Sambært ECTS-krøvini krevjast, við 30 frálærutímum tøkum, 8 tíma heimaarbeiði til hvønn frálærutíma. Mælt verður til bólkaarbeiði sum liður í fyrireiking. Frálærutímarnir verða nýttir til stuttar fyrilestrar, at svara spurningum, og dialogar, studentaframløgur, herundir regluligar vegleiðandi royndir við 15-20 minutta munnligum studentaframløgum við neyvari tilskilaðum læruúrtøku-stevnum.

Próvtøkan verður munnlig og við fyrireikingartíð. Munnliga próvtøkan varir 20 minuttir. Fyrireikingartíðin er 40 minuttir, og atgongd er til alt tilfar undantikið internet og fartelefon. Próvdøming verður uttanseturs.

Uttanhýsis

13-talsstigin

Dentur verður lagdur á læruúrtøkistevnur framum síðutal, ið verður umleið 1000. Hesar læruúrtøkustevnur verða neyvari tilskilaðar. Ein partur av pensum er roknaður til nærlestur, og ein annar partur til selektivan snarlestur við denti á at eyðmerka virðurskifti og forkláringar í sambandi við m.a. produktivitet, transformatión, vøkstur, arbeiðsvirkni, og inntrivs- ella marknaðarstýring. Íroknað pensum er venjing í at nýta búskaparhagtølini á heimasíðu hagstovunnar, ið tann lesandi skal kunna forklára og seta á talvur.

Ólavur Christiansen