2809.15 - Komparativur politikkur

2809.15

Komparativur politikkur

10

Tey lesandi skulu hava staðið støðisútbúgvingina á Søgu- og Samfelagsdeildini ella hava samsvarandi førleika.

Endamálið er at geva tí lesandi innlit í komparativan politikk og gera tann lesandi føran fyri at kunna seta politisk evni, sum t.d. demokrati, korruption, fátækradømi og vælferð inn í ein størri komparativan samanhang.

Komparativur politikkur verður í hesum skeiðnum lýstur við hugtøkum um politisk áhugamál (interests), politiskar skipanir (institutions) og tjóðskaparligan identitet (identity). Lond sum verða viðgjørd og lýst eru millum annað Stórabretland, Skandinavia, Russland og Kina (undirvísarin avger endaligan lista).

Skeiðið er 15 x 2 tímar. Undirvísingin er sett saman av fyrilestrum undirvísarans, møguligum gestalærarum, umframt aktivari luttøku frá teimum lesandi.

Tey lesandi skulu: • hava hollan kunnleika til politisk viðurskifti og skipanir í teimum londum sum hava verið viðgjørd á skeiðnum. • duga at seta politisk evni inn í ein komparativan samanhang, herundir at viðgera spurningar og tema út frá teimum tilgongdum (teori og metodum), sum tey hava lært í skeiðnum.

Tríggjar skrivligar heimauppgávur (2x1500 orð + 1x2000 orð) og munnlig próvtøka. Skrivligu avrikini telja 50%, og munnliga próvtøkan telur 50% av samlaða karakterinum.

Uttanhýsis

Umleið 1000 síður

Jens Chr. Svabo Justinussen