2136.15 - Almennur politikkur og fyrisiting

2136.15

Almennur politikkur og fyrisiting

10

Miðnám,ella tilsvarandi

At fáa innlit í, hvussu almennur politikkur og fyrisiting virkar. Vit hyggja eftir hesum yvirskipað við atlit til Føroyar og føroysk viðurskifti - Tey lesandi skulu verða før at brúka ymisk ástøði og háttaløg til at skilja og greina politiskar tilgongdir og á hendan hátt verða før fyri at meta um, hvussu tað føroyska politiska kervið er uppbygt og virkar.

Vit fara at lýsa og greina, hvussu politiskar skipanir seta sær mál og føra tey út í lívi, og hvørji policy-amboð verða tikin í brúk í hesum sambandi. Evni, sum vit koma inn á eru:  Fólkaræði  Vælferð  Organisatión  Makt Hesi evni verða viðgjørd hvør í sær, og hvussu tey sínámillum ávirka hvønn annan.

Skeiðið er 30 tímar. Undirvísingin verður skipað sum fyrilestrar, framløgur, kjak og virkin luttøka, har tann lesandi millum annað venur førleikan at argumentera fakliga fyri sínum sjónarmiðum.

Tey lesandi skulu:  Duga yvirskipað at greiða frá fyribrigdunum fólkaræði, vælferð, organisatión, og makt.  Duga at greiða frá og greina hesi fyribrigdi við ástøði o og hugtøkum, sum tey hava lært á skeiðinum.  Duga at seta ástøðini í samband við ítøkilig empirisk dømi í nútíðarsamfelagnum.  Sjálvstøðugt at brúka ástøði og háttaløg, tey hava lært, til at greina og kritisk meta um aktuel og viðkomandi viðurskifti í nútíðarsamfelagnum.

Tey lesandi skulu velja sær eitt evni í samráð við undirvísaran og einsæris skriva eina ritgerð (10-15 síður), ið skal verjast við munnligari próvtøku.

Uttanhýsis

Verður útflýggjaður, tá ið skeiðið byrjar. Vit lesa umleið 1000-1200 síður.

Súsanna Olsen