2622.14 - Búskapur og Samfelag

2622.14

Búskapur og Samfelag

10

Miðnámsútbúgving ella samsvarandi førleiki. Førleiki í enskum máli.

Endamálið við skeiðinum er at veita søgu-, stjórnmála-, og samfelagsfrøðis-lesandi innlit í • Grundleggjandi partar av lærugreinini búskaparfrøði, herundir týðandi hugtøk og myndlar • Tann leiklut, sum búskaparfrøði hevur í verkligum politikki, og tann leiklut, sum búskaparlig viðurskifti hava og hava havt í samfelagsligum umbroytingum

Innleiðslu í nøkur av teimum grundleggjandi hugtøkunum og myndlunum innan búskaparfrøðina. Týðandi tema eru útboð og eftirspurningur, marknaðarmekanisma, marknaðarinntriv, produktivitetur og búskapar-vøkstur, búskaparsveiggj og konjukturstýring, altjóða handil

Sambært ECTS-krøvunum krevjast, við bara tøkum 30 frálærutímum, 8 tíma heimaarbeiði til hvønn frálærutíma. Mælt verður til regluligt og skipað bólkaarbeiði sum liður í fyrireiking. Frálærutímarnir verða nýttir til stuttar fyrilestrar, at svara spurningum, og dialogar, studentaframløgur, herundir regluligar vegleiðandi royndir við 15-20 minutta munnligum studentaframløgum við útgangsstøði í neyvari tilskilaðum læruúrtøku-stevnum

Lesandi, ið hevur staðið skeiðið innleiðsla í búskaparfrøði sum part av BA/BS prógvi, hevur, tá skeiðið er lokið, fingið duguleika í at greiða frá, lýsa, og/ella meta um niðanfyri standandi samfelagsbúskaparlig málsevni: • Marknaðarbúskapur sum drívmegi aftan fyri framleiðslu, arbeiðsbýti og altjóða handli • Marknaðarmekanisman við útboði, eftirspurningi og prísskapan • Orsøkir til at marknaðarmekanisman viðhvørt ikki virkar nóg væl og møguligar politiskar loysnir • Búskaparligu geirarnir og ringrásin, máting av arbeiðsloysi, prísvøkstri og ójavna • Tjóðarroknskapur, herundir gjaldsjavni og uttanlandshandil • Inntøkuskapan, búskaparvøkstur • Búskaparsveiggj og búskaparkreppur • Ymisk sløg av konjukturpolitikki, ástøði aftanfyri, amboð og endamál • Altjóða handil

Próvtøkan verður munnlig og við fyrireikingartíð. Munnliga próvtøkan varir 20 minuttir. Fyrireikingartíðin er 40 minuttir, og atgongd er til alt tilfar undantikið internet og fartelefon.

Uttanhýsis

Jóannes Jacobsen