6110.23 - Demokrati í teori og praksis

6110.23

Demokrati í teori og praksis

10

Miðnám, ella tilsvarandi førleikar.

At tann lesandi fær eina gjølliga fatan av demokrati sum ástøði, hugtaki og fyribrigdi.

Á hesum skeiði fara vit at viðgera, hvat demokrati er fyri eitt fyribrigdi, hvar tað kemur frá, og hvussu demokrati verður fatað í dag. Vit fara aftur í gamla Grikkaland har demokratiið tók seg upp og viðgera, hvussu fatanin av demokratii hevur broytt seg gjøgnum tíðina. Dentur verður lagdur á ymisku fatanirnar av demokratii (t.d. liberalt-, konstitutionelt-, republikanskt-, og deliberativt demokrati), ástøði og myndlar um demokrati, og hvussu demokratiskar institutiónir virka í praksis. Vit koma eisini inn á leiklutin hjá politiskum flokkum, og ikki-statsligum felagsskapum (t.d. fjølmiðlum, áhugafelagsskapum), og viðgera avbjóðingar fyri demokratii í 21 øld.

Undirvísingin er 30 tímar og verður skipað sum fyrilestrar, bólkaarbeiði og studentaframløgur

Tá skeiðið er lokið, skal hin lesandi verða før/ur fyri at: • Greiða frá hvat demokrati sum stýriskipan er, og hvar tað hevur sín uppruna. • Lýsa ymisku fatanirnar av demokratii, ið eru viðgjørdar á skeiðnum og meta um teirra styrki og veikleikar. • Greina, hvussu demokrati virkar við støði í vitan um myndlar og ástøði um demokratiskar skipanir og stovnar. • Greiða frá leiklutinum hjá politiskum leikarum í einari demokratiskari skipan. • Vera før fyri at meta um viðkomandi demokratiskar spurningar í nútíðarsamfelagnum á ein tilvitaðan og grundaðan hátt.

Skrivlig próvtøka (5 tímar).

7-talsstigin

Áleið 1.000 – 1.200 síður.

Jógvan Dalbø Hansen