2112.15 - Grundskeið í Vísindaástøði

2112.15

Grundskeið í Vísindaástøði

10

Miðnám, ella tilsvarandi útbúgvingarstig

At ogna sær grundleggjandi kunnleika um vísindaástøði við denti á tí, sum hevur týdning fyri hug-og samfelagsvísindi. Í undirvísingini verður miðað eftir, at tann lesandi skal fáa innlit í søguligu gongdina í viðurskiftum millum vísindi, heimspeki og samfelag, men skal harumframt eisini kenna høvuðsinnihaldið í vísindaástøðiligum stevnum, sum hava týdning í vísindaligum orðaskifti um hug- og samfelagsvísindi. Dentur verður lagdur á at kenna høvuðsinnihald, ástøði og menningarleiðir í hug og samfelagsvísindum og at fáa eina grundleggjandi fatan av, hvussu skyldar vísindagreinar arbeiða. Tann lesandi skal læra seg at hugsa kritiskt um ástøði

Grundleggjandi kunnleiki um almenn vísindaástøði, serliga tað, ið hevur týdning fyri hug – og samfelagsvísindi. Ymisk vísindaástøði verða viðgjørd, eins og søgan hjá hug- og samfelagsvísindum.Tann lesandi skal vinna sær førleika til at meta um vísindaástøðiligar stevnur og hvussu vísindaástøðilig sjónarmið ávirka gransking innan hesi fak

Skeiðið er umleið 30 tímar. Undirvísingin er skipað sum floksundirvísing við fyrilestrum, framløgum og kjaki. Lisnar verða grundbókmentir og valdir frumtekstir, sum tilsamans eru inngangur til vísindaástøðiligar spurningar

Læruúrtøka: Tá ið skeiðið er liðugt, skal tann lesandi vera før/ur fyri at: • seta orð á høvuðsinnihaldið í viðkomandi vísindaligum stevnum. • lýsa líkleikar og munir millum ymiskar vísindaligar stevnur. • seta atfinningarsamar spurningar til vísindaligar stevnur. • vísa hvussu ymiskar vísindaligar stevnur kunnu • geva íblástur til ávís fakøki. • greina vísindaligar stevnur við atliti at heimspekiliga grundstøðinum. • seta vísindaástøði inn í hug-og samfelagsvísindaligan samanhang

Skrivlig roynd í 5 tímar. Til próvtøkuna eru øll hjálpiamboð loyvd

Innanhýsis

P-talsstigin

Umleið 800 síður

Hans Andrias Sølvará